పెరుగుతున్న సార్ సినిమా ప్రీమియర్ షోస్: ఒకరోజు ముందుగానే థియేటర్లోకి వస్తున్న ధనుష్
ఈ వార్తాకథనం ఏంటి
హీరో ధనుష్, సార్ సినిమాతో తెలుగులోకి ఎంట్రీ ఇస్తున్నాడు. ఫిబ్రవరి 17వ తేదీన సార్ సినిమా ప్రపంచవ్యాప్తంగా విడుదలవుతుంది. ఈ నేపథ్యంలో నిన్న సాయంత్రం ప్రీ రిలీజ్ ఈవెంట్ జరిగింది.
దర్శకుడు వెంకీ అట్లూరి, నిర్మాత నాగ వంశీ.. సార్ సినిమాపై చాలా నమ్మకంగా ఉన్నారు. ఆ నమ్మకం నిన్న వాళ్ళ మాటల్లో కనిపించింది. అలాగే ప్రీమియర్ షోలను ఒకరోజు ముందుగానే వేద్దామన్న వాళ్ళ నిర్ణయం లోనూ కనిపించింది.
ఈ రోజు సాయంత్రం 7గంటలకు సార్ సినిమా ప్రీమియర్ షోస్ థియేటర్లలో పడుతున్నాయి. అయితే తాజా సమాచారం ప్రకారం, ప్రీమియర్ షోస్ పెరుగుతున్నాయని తెలుస్తోంది. మరిన్ని థియేటర్లు సార్ సినిమా ప్రీమియర్ షోల కోసం రెడీ అవుతున్నాయి.
సార్
తెలుగు రాష్ట్రాల్లో పెరుగుతున్న ప్రీమియర్ షోస్
ఆంధ్రప్రదేశ్ లో విశాఖపట్నం, విజయవాడ, గుంటూరు, నెల్లూరు, రాజమండ్రి, కాకినాడ మొదలగు ప్రాంతాల్లో సార్ సినిమా ప్రీమియర్ షోలు ప్రదర్శితం కానున్నాయి. తెలంగాణలోనూ ప్రీమియర్ షోల సంఖ్య పెరిగింది.
సినిమా విడుదలకు ఒక రాత్రి ముందుగానే ప్రీమియర్ షో వేస్తుండడం సినిమా పరిశ్రమలో కొందరిని ఆశ్చర్యానికి గురిచేస్తుంది.
మరి సార్ సినిమా నిర్మాతల నమ్మకం నిజమవుతుందా లేదా అనేది ఈరోజు రాత్రిలోగా తెలిసిపోతుంది.
సార్ సినిమాలో సంయుక్త మీనన్ హీరోయిన్ గా చేస్తుండగా, హైపర్ ఆది, సాయికుమార్ సముద్ర ఖని.. ప్రధాన పాత్రల్లో కనిపిస్తున్నారు. జీవి ప్రకాష్ కుమార్ సంగీతమందించిన ఈ సినిమాను సితార ఎంటర్టైన్మెంట్స్, ఫార్చ్యూన్ ఫోర్ సినిమాస్ బ్యానర్లు సంయుక్తంగా నిర్మించాయి. తెలుగు, తమిళంలో ఒకేసారి విడుదలవుతుంది.