2022 రివైండ్: బాక్స్ ఆఫీస్ దగ్గర బోల్తాపడ్డ చిత్రాలు
ఈ సంవత్సరంలో చాలా అంచనాలతో విడుదలైన సినిమాలు బాక్స్ ఆఫీస్ దగ్గర అనుకున్నంత విజయం సాధించలేదు. ఆ సినిమాలు ఏంటో ఇప్పుడు చూద్దాం. అంటే సుందరానికి: నాని నటించిన ఈ సినిమాలో మలయాళ నటి నజ్రియా హీరోయిన్ గా నటించింది. నాని పాత్ర మీద కొన్ని వర్గాలు అభ్యంతరం వ్యక్తం చేయడం, కథలో కొత్తదనం లేకపోవడం వలన నాని రేంజ్ హిట్ ఈ సినిమాకు రాలేదు. F3: వెంకటేష్, వరుణ్ తేజ్ కలిసి నటించిన F2 హిట్ కావడంతో మళ్ళీ అటువంటి హిట్ నే ఆశించి మొదటి సినిమాలో ఉన్న వారందరిని మరోసారి తీసుకున్నారు. అయితే వసూళ్ల పరంగా పర్వాలేదనిపించినా పేలవమైన కథనంతో ప్రేక్షకుల నుండి విమర్శలు ఎదుర్కొంది ఈ సినిమా.
వీటిలో కొన్ని సినిమాలలో పాటలకు లభించిన ఆదరణ సినిమాలకు రాలేదు.
గుడ్ లక్ శశి: ఈ సినిమాకు IMDB రేటింగ్ 7.3 ఉన్నా సరే అటు బాక్స్ ఆఫీస్ దగ్గర, ఇటు ఓటిటి వేదిక పైనా ఆదరణ లభించలేదు. కీర్తి సురేష్ గ్రామీణ ప్రాంతానికి చెందిన అమ్మాయిగా ఈ సినిమాలో నటించారు. మేజర్: 26/11 తాజ్ పేలుళ్లలో వీర మరణం పొందిన సందీప్ ఉన్ని కృష్ణన్ పాత్రలో అడవి శేష్ నటించారు. వసూళ్ల పరంగా పర్వాలేదనిపించినా ఆశించిన స్థాయిలో సినిమాకు ఆదరణ లభించలేదు. క్లాప్: ఆది నటించిన ఈ ద్విభాషా చిత్రం మంచి కథతో తెరకెక్కించినప్పటికీ ప్రేక్షకుల ఆదరణ లభించలేదు. విరాట పర్వం, సూపర్ మచ్చి, థాంక్ యూ, అతిధి దేవోభవ, హీరో వంటి సినిమాలు ఈ లిస్టులోకి వస్తాయి.
