మహేష్ బాబు మేనల్లుడు అశోక్ గల్లా సినిమాకు దర్శకుడు ప్రశాంత్ వర్మ కథ
ఈ వార్తాకథనం ఏంటి
మహేష్ బాబు మేనల్లుడు అశోక్ గల్లా, హీరో సినిమాతో తెలుగు తెరకు పరిచయమయ్యాడు. శ్రీరామ్ ఆదిత్య దర్శకత్వం వహించిన ఆ సినిమా, వెండితెర మీద ప్రభావం చూపించలేకపోయింది.
ప్రస్తుతం అశోక్ గల్లా రెండవ సినిమా హైదరాబాద్ లో రామానాయుడు స్టూడియోలో ప్రారంభమైంది. హీరో వెంకటేష్, దర్శకుడు బోయపాటి శ్రీను ఈ కార్యక్రమానికి హాజరయ్యారు.
ఇక్కడ విశేషం ఏమిటంటే అశోక్ గల్లా రెండవ సినిమాకు దర్శకుడు ప్రశాంత్ వర్మ, కథను అందించాడు. అ, కల్కి, జాంబీ రెడ్డి చిత్రాలను తెరకెక్కించి ప్రస్తుతం హనుమాన్ మూవీతో పాన్ ఇండియా లెవెల్లో వస్తున్నాడు ప్రశాంత్ వర్మ.
తేజ సజ్జా హీరోగా తెరకెక్కుతున్న హనుమాన్ సినిమాను, హిందూ పురాణాల్లోని పాత్రల ఆధారంగా రూపొందిస్తున్నాడు.
అశోక్ గల్లా
అశోక్ గల్లా సినిమాకు హిందూ పురాణాల టచ్
ఐతే అశోక్ గల్లా సినిమాను కూడా హిందూ పురాణాల్లోని పాత్రల ఆధారంగా తెరకెక్కిస్తున్నట్లు పోస్టర్ చూస్తే అర్థమవుతోంది. అదీగాక ప్రశాంత్ వర్మ కథ అందిస్తున్నాడు కాబట్టి పురాణాలకు సంబంధించిన కథే అయ్యుంటుందని అనుకుంటున్నారు.
ఎందుకంటే గతంలో ప్రశాంత్ వర్మ మాట్లాడుతూ, హిందూ పురాణాల్లో చాలా పాత్రలు ఉన్నాయని, వాటిని సూపర్ హీరోలుగా తీర్చిదిద్దితే మంచి మంచి సినిమాలు తీయొచ్చని అన్నాడు.
మరి ఈ సినిమా పూర్తిగా పురాణాలను ఆధారం చేసుకుని ఉంటుందా లేదా వాటి టచ్ మాత్రమే ఉంటుందా అనేది సినిమా షూటింగ్ మొదలైతే గానీ తెలియదు.
శ్రీలలితాంబికా ప్రొడక్షన్ బ్యానర్ లో రూపొందుతున్న అశోక్ గల్లా రెండవ సినిమాను అర్జున్ జంధ్యాల డైరెక్ట్ చేస్తున్నారు. బుర్రా సాయి మాధవ్ మాటలు అందిస్తున్నాడు.