Dhanush: రవితేజ కూతురిగా అదరగొట్టిన నక్షత్ర.. ధనుష్ ప్రశంసలతో వైరల్గా మారిన వీడియో!
ఈ వార్తాకథనం ఏంటి
టాలీవుడ్ బాక్సాఫీస్ వద్ద సెన్సేషన్ క్రియేట్ చేస్తున్న 'ఇరుముడి' సినిమా ప్రస్తుతం సినీ ప్రముఖుల ప్రశంసలు సైతం అందుకుంటోంది. ముఖ్యంగా ఈ చిత్రంలో రవితేజ కూతురిగా నటించిన చైల్డ్ ఆర్టిస్ట్ నక్షత్ర తన ఎమోషనల్ యాక్టింగ్తో ప్రేక్షకులను కంటతడి పెట్టిస్తోంది. తాజాగా ఈ చిన్నారి నటనకు కోలీవుడ్ స్టార్ హీరో, జాతీయ అవార్డు గ్రహీత ధనుష్ సైతం ఫిదా అయ్యారు. ఇటీవలే 'ఇరుముడి' సినిమాను చూసిన ధనుష్.. నక్షత్ర నటనకు ముగ్ధుడై ఆమెను ప్రత్యేకంగా అభినందించారు. ఈ చిత్ర దర్శకుడు శివ నిర్వాణ ద్వారా నక్షత్రతో ధనుష్ స్వయంగా వీడియో కాల్లో మాట్లాడారు. సినిమాలో నక్షత్ర పలికించిన భావోద్వేగాలను ధనుష్ ప్రత్యేకంగా మెచ్చుకున్నారు.
వివరాలు
త్వరలోనే కలుస్తానన్న నటుడు
ఈ వీడియో కాల్లో ధనుష్ అడిగిన ఓ మాట ఆ చిన్నారిని తీవ్ర ఆశ్చర్యానికి గురిచేసింది. "నీ నటన అద్భుతం.. నాకు కూడా యాక్టింగ్ నేర్పిస్తావా? అంటూ ధనుష్ ఎంతో ఆప్యాయంగా అడిగారు.
దీంతో నక్షత్ర ఆనందంతో ఉబ్బితబ్బిబ్బయింది. అంతటి స్టార్ హీరో తనను అలా అడగడంతో ఏం చెప్పాలో తెలియక ఆశ్చర్యపోయింది.
నక్షత్రతో ముచ్చటించిన అనంతరం ధనుష్.. వీలైనంత త్వరలో తాను నేరుగా వచ్చి కలుస్తానని మాట ఇచ్చారు. దీనికి సంబంధించిన వీడియో ప్రస్తుతం నెట్టింట వైరల్గా మారింది.
వివరాలు
మణమ్మ పాత్రకు ఫ్యాన్స్ ఫిదా
ఇండియాలోనే బెస్ట్ యాక్టర్స్లో ఒకరైన ధనుష్ నుంచి ఇలాంటి కాంప్లిమెంట్ రావడం ఆ చిన్నారి కెరీర్కు దక్కిన అతిపెద్ద బహుమతి అని సినీ అభిమానులు అంటున్నారు.
ఎలాంటి డైలాగ్స్ లేకుండానే కళ్లతో హావభావాలు పలికిస్తూ, ఎమోషనల్ సీన్స్ను పండించిన నక్షత్ర నటన.. సినిమాకే హైలైట్గా నిలిచింది.
'మణమ్మ'గా తెలుగు ప్రేక్షకుల గుండెల్లో గుడి కట్టేసుకున్న ఈ చిన్నారికి ఇండస్ట్రీ వర్గాల నుంచి కూడా భారీగా ప్రశంసలు దక్కుతున్నాయి.