నమిత బర్త్ డే: 17ఏళ్ళకే మోడల్ గా మారిన నమిత, లావుగా కావడం వల్లే అవకాశాలు కోల్పోయిందా?
ఈ వార్తాకథనం ఏంటి
తెలుసునా తెలుసునా మనసుకీ తొలి కదలికా అంటూ సొంతం సినిమాలో తన ప్రేమను ఎలా చెప్పాలో తెలియక సతమతమయ్యే పాత్రతో తెలుగు తెరకు పరిచయమయ్యింది నమిత.
ఈ సినిమాతో నమితకు మంచి పేరొచ్చింది. ఆర్యన్ రాజేష్ నటించిన ఈ చిత్రాన్ని శ్రీను వైట్ల తెరకెక్కించారు.
ఈ రోజు నమిత పుట్టినరోజు. 1981లో గుజరాత్ రాష్ట్రంలో సూరత్ లో జన్మించింది నమిత. 17ఏళ్లకే మిస్ సూరత్ గా మారింది. ఆ తర్వాత సినిమా అవకాశాలు వచ్చాయి.
సొంతం సినిమాలో తన సొంతపేరు నమిత అని కాకుండా భైరవి అనే స్క్రీన్ నేమ్ కనిపిస్తుంది. ఆ తర్వాత జెమిని చిత్రంలో సొంత పేరును స్క్రీన్ నేమ్ గా పెట్టుకుంది.
Details
తమిళనాడులో నమితకు గుడి
తెలుగులో జెమిని తర్వాత బిల్లా, ఒకరాజు ఒకరాణీ, సింహా చిత్రాల్లో కనిపించింది నమిత. ఆ తర్వాత ఆమెకు చెప్పుకోదగ్గ అవకాశాలు రాలేదు. తమిళంలో మాత్రం చాలా సినిమాలు చేసింది.
అయితే లావుగా కావడం వల్లే నమితకు తెలుగులో అవకాశాలు తగ్గిపోయాయని చెప్పుకుంటారు.
తమిళనాట నమితకు చాలా పాపులారిటీ ఉంది. తమిళనాడూలో తిరునల్వేలి ప్రాంతంలో నమితకు గుడి కట్టారంటే ఆమెకు ఎంతమంది అభిమానులున్నారో అర్థం చేసుకోవచ్చు.
తెలుగు, తమిళం, కన్నడ, మళయాలం భాషల సినిమాల్లోనూ నటించింది నమిత. 2017లో వీరేంద్ర చౌదరిని వివాహం చేసుకుంది. పెళ్ళయిన తర్వాత కూడా సినిమాలు చేస్తూ బిజీగా ఉంటోంది.
ఇటు రాజకీయాల్లోనూ అడుగుపెట్టింది. బీజేపీలో జాయిన నమిత, ఎలక్షన్లలో ప్రచారం కూడా చేసింది.