నాని కెరీర్లో ఫస్ట్ సినిమాగా సరికొత్త రికార్డ్ సృష్టించిన దసరా
ఈ వార్తాకథనం ఏంటి
నేచురల్ స్టార్ నాని నటించిన దసరా టీజర్ తెలుగు ప్రేక్షకులను అమితంగా ఆకట్టుకుంది. జనరల్ గా నాని విభిన్నమైన సినిమాలు చేస్తాడని అందరికీ తెలుసు. కానీ ఇలా పూర్తిగా మాస్ పాత్రలో కనిపిస్తారని ప్రేక్షకులు ఊహించలేదు.
టీజర్ మొత్తం నాని అభిమానులనే కాదు సినిమా అభిమానులకు ఉర్రూతలూగించింది. అదీగాక అందరినీ కట్టిపడేస్తున్న మరో అంశం ఏమిటంటే, టీజర్ రిలీజ్ రోజున నానిలో కనిపించిన కాన్ఫిడెన్స్. ఆ నమ్మకమే దసరా సినిమా మీద అంచనాలను పెంచేసింది.
2022లో ఆర్ఆర్ఆర్, కేజీఎఫ్ అయితే 2023లో దసరా అని చెప్పడం, దసరా పాన్ ఇండియాలో రిలీజ్ అవుతుండడం, ప్రస్తుతం టీజర్ కి దేశవ్యాప్తంగా వస్తున రెస్పాన్స్.. ఇవన్నీ చూస్తుంటే నాని గట్టిగా హిట్ కొట్టేలా కనిపిస్తున్నాడని చెప్పుకుంటున్నారు.
నాని దసరా
24గంటల్లో 13మిలియన్లు దాటేసిన దసరా టీజర్
దసరా టీజర్ యూట్యూబ్ లో ట్రెండింగ్ లో ఉంది. తెలుగులో మొదటి స్థానంలో, తమిళంలో 2వ స్థానంలో, మళయాలంలో ఆరు, హిందీలో 8వ స్థానంలో ట్రెండింగ్ లో ఉంది.
మొత్తంగా టీజర్ రిలీజ్ అయిన 24గంటల్లోనే 13మిలియన్ల వ్యూస్ రాబట్టింది దసరా టీజర్. నాని కెరీర్లో ఒకరోజులో అత్యధిక వ్యూస్ అందుకున్న టీజర్ గా రికార్డ్ నెలకొల్పింది.
టీజర్ తోనే ఊపేసిన నాని, ట్రైలర్ తో సెగ పుట్టించేలా ఉన్నాడని అందరూ అనుకుంటున్నారు. దసరా మూవీ మార్చ్ 30వ తేదీన విడుదల అవుతుంది.
ఎస్ఎల్వీ సినిమాస్ బ్యానర్ పై తెరకెక్కిన ఈ సినిమాను సుధాకర్ చెరుకూరి నిర్మించారు. కీర్తి సురేష్ హీరోయిన్ గా చేస్తున్న ఈ సినిమాను శ్రీకాంత్ ఓదెల డైరెక్ట్ చేసారు.