దసరా టీజర్: ఒంటికి మట్టి, చేతికి సీసా, నోట్లో బీడీతో నాని విశ్వరూపం
ఈ వార్తాకథనం ఏంటి
నేచురల్ స్టార్ నాని కొత్త చిత్రం దసరా టీజర్ ఇంతకుముందే రిలీజైంది. ఇదివరకు సినిమాల్లో నాని చేసిన పాత్రలన్నీ దాదాపుగా సాఫ్ట్ నేచర్ కలిగి ఉన్నవే. కృష్ణార్జున యుద్ధంలో ఒక పాత్రలో మాస్ గా కనిపించాడు గానీ అది కూడా పూర్తి మాస్ కాదు.
కానీ దసరా టీజర్ లో నాని కొత్త అవతారంలో కనిపించాడు. పాన్ ఇండియా రేంజ్ లో ఐదు భాషల్లో దసరా టీజర్ రిలీజైంది. తెలుగులో రాజమౌళి, హిందీలో షాహిద్ కపూర్, మళయాలంలో దుల్కర్ సల్మాన్, కన్నడలో రక్షిత్ శెట్టి, తమిళంలో ధనుష్ విడుదల చేసారు.
టీజర్ ఆద్యంతం పూర్తి మాస్ అంశాలతో నిండి ఉంది. చేతిలో మందుసీసా, నోట్లో బీడీతో కరడుగట్టిన మాస్ పాత్రలో కనిపించాడు నాని.
దసరా టీజర్
మందు తాగడం సాంప్రదాయమని చెప్పిన నాని
దసరా టీజర్ లో నాని పాత్ర, తానుండే ఊరును పరిచయం చేస్తూ, బొగ్గు కుప్పల చాటున ఉండే చిన్న ఊరు వీర్లపల్లి తమ ఊరని, ఇక్కడ మందు తాగడం వ్యసనం కాదని, అలవాటుగా మారిన సాంప్రదాయమని చెబుతాడు.
టీజర్ చివర్లో కత్తిని నోట్లో పెట్టుకుని తనే వీరతిలకం దిద్దుకోవడం మాస్ అనే పదానికి పరాకాష్ఠగా నిలిచింది. సంతోష్ నారాయణ్ అందించిన మ్యూజిక్ బాగుంది.
టీజర్ తోనే దసరా సినిమా ప్రపంచంలోకి తీసుకెళ్ళిపోయాడు దర్శకుడు శ్రీకాంత్ ఓదెల. ఐతే ఈ టీజర్ లో హీరోయిన్ కీర్తి సురేష్ ఎక్కడా కనిపించలేదు.
ఎస్ఎల్వీ సినిమాస్ బ్యానర్ పై సుధాకర్ చెరుకూరి నిర్మిస్తున్న ఈ చిత్రం, 2023 మార్చ్ 30వ తేదీన ప్రపంచ వ్యాప్తంగా విడుదల అవుతుంది.