మ్యాడ్ టీజర్: కాలేజ్ కథతో కళ్ళు తిరిగేలా నవ్వించడానికి వచ్చేస్తున్న నార్నె నితిన్
ఈ వార్తాకథనం ఏంటి
జూనియర్ ఎన్టీఆర్ బావమరిది నార్నె నితిన్ తెలుగు సినిమా ఇండస్ట్రీకి హీరోగా పరిచయం అవుతున్నాడని తెలిసిందే. తాజాగా నార్నె నితిన్ నటించిన మ్యాడ్ చిత్ర టీజర్ రిలీజైంది.
హారికా అండ్ హాసినీ ఎంటర్ టైన్మెంట్స్ అధినేత ఎస్ రాధాకృష్ణ కూతురు హారిక సూర్యదేవర, మ్యాడ్ సినిమాతో నిర్మాతగా మారుతున్నారు.
మ్యాడ్ టీజర్ లో కాలేజ్ లో సీనియర్స్, జూనియర్స్ మధ్య జరిగే సన్నివేశాలు, లెక్చరర్లతో స్టూడెంట్స్ చేసే అల్లరి, కాలేజీ ప్రేమలు అన్నీ చూపించారు.
టీజర్ మొత్తం కామెడీ సన్నివేశాలతో నింపేసారు. పూర్తిగా యువత టార్గెట్ గా ఈ సినిమాను రూపొందించారు.
Details
భీమ్స్ సిసిరోలియో సంగీతం
మ్యాడ్ సినిమాలో నార్నె నితిన్ హీరోగా కనిపిస్తున్నారు. హీరోయిన్ గా శ్రీ గౌరీప్రియ రెడ్డి కనిపిస్తున్నారు. మిగతా ప్రధాన పాత్రల్లో సంగీత్ శోభన్, రామ్ నితిన్, రఘుబాబు, రచ్చ రవి, మురళీధర్ గౌడ్ నటిస్తున్నారు.
సితార ఎంటర్ టైన్మెంట్స్, ఫార్ఛూన్ ఫోర్ సినిమాస్ సంయుక్తంగా నిర్మిస్తున్న ఈ సినిమాను కళ్యాణ్ శంకర్ డైరెక్ట్ చేస్తున్నారు. ధమాకా, బలగం సినిమాలతో మ్యూజిక్ డైరెక్టర్ గా పేరు తెచ్చుకున్న భీమ్స్ సిసిరోలియో సంగీతం అందిస్తున్నారు.
ఈ సినిమాకు ఎడిటింగ్ బాధ్యతల్ను నవీన్ నూలి నిర్వర్తిస్తున్నారు. ఆర్ట్ డైరెక్టర్ గా రామ్ అర్సవల్లి, కెమెరా బాధ్యతలను శ్యామ్ దత్, దినేష్ క్రిష్ణన్ బి నిర్వర్తిస్తున్నారు.