బాలకృష్ణ 108వ సినిమా: టైటిల్ రివీల్ కోసం 108లొకేషన్లు
ఈ వార్తాకథనం ఏంటి
బాలకృష్ణ, అనిల్ రావిపుడి కాంబినేషన్ లో తెరకెక్కుతున్న మొట్టమొదటి చిత్రంపై అంచనాలు ఎక్కువగా ఉన్నాయి.
ఇప్పటివరకు కామెడీ ప్రధానంగా సినిమాలను తెరకెక్కించిన అనిల్ రావిపుడి, బాలకృష్ణను ఎలా చూపించనున్నాడో అని వెయిట్ చేస్తున్నారు.
బాలకృష్ణ కెరీర్ లో 108వ సినిమాగా రూపొందుతున్న ఈ చిత్రానికి టైటిల్ ఇంకా ఫిక్స్ చేయలేదు. అలాగే రిలీజ్ డేట్ కూడా ప్రకటించలేదు.
దసరా కానుకగా రిలీజ్ అవుతుందని తెలియజేసారే తప్ప, ఏ తేదీన రిలీజ్ అవుతుందని వెల్లడించలేదు. తాజా సమాచారం ప్రకారం, బాలయ్య 108వ సినిమా, అక్టోబర్ 20వ తేదీన విడుదల కానుందని అంటున్నారు.
రిలీజ్ తేదీ విషయమై రేపు అధికారికంగా ప్రకటన వస్తుందని చెబుతున్నారు. మరో విషయం ఏంటంటే, టైటిల్ రివీల్ కూడా రేపే ఉండనుందట.
Details
108 లొకేషన్లలో టైటిల్ రివీల్
బాలయ్య 108వ సినిమాకు భగవత్ కేసరి అనే టైటిల్ ని పరిశీలిస్తున్నట్లు వార్తలు వచ్చాయి. మరి అదే టైటిల్ ని ఫిక్స్ చేస్తారా లేదా మరో కొత్త టైటిల్ తో వస్తారా అన్నది చూడాలి.
టైటిల్ రివీల్ ని గ్రాండ్ గా జరపబోతున్నారని తెలుస్తోంది. బాలయ్య 108వ సినిమా టైటిల్ ను 108ప్రాంతాల్లో రివీల్ చేస్తారట. ఈ ప్రాంతాలన్నింటిలో రేపు సాయంత్రం టైటిల్ పోస్టర్ ని రిలీజ్ చేస్తారట.
ఇందుకోసం అన్ని ఏర్పాట్లు జరుగుతున్నాయని ఫిలిమ్ నగర్ వర్గాల నుండి సమాచారం అందుతోంది. ఈ సినిమాలో కాజల్ అగర్వాల్ హీరోయిన్ గా నటిస్తోంది. హీరోయిన్ శ్రీలీల, బాలయ్య కూతురుగా కనిపించనుంది.
విలన్ గా బాలీవుడ్ నటుడు అర్జున్ రాంపాల్ కనిపిస్తున్నారు.