NBK 111 : బాలయ్య - గోపిచంద్ మలినేని సినిమా రిలీజ్ డేట్ ఇదే.. డేట్ ఫిక్స్?
ఈ వార్తాకథనం ఏంటి
గాడ్ ఆఫ్ మాసెస్, నటసింహం నందమూరి బాలకృష్ణ, మాస్ డైరెక్టర్ గోపీచంద్ మలినేని కాంబినేషన్లో తెరకెక్కుతున్న క్రేజీ ప్రాజెక్ట్ 'NBK111'. వృద్ధి సినిమాస్ బ్యానర్పై సతీష్ కిలారు భారీ బడ్జెట్తో ఈ సినిమాను నిర్మిస్తున్నారు. భారీ అంచనాల మధ్య రూపొందుతున్న ఈ చిత్రానికి సంబంధించి టాలీవుడ్ వర్గాల్లో ఓ ఆసక్తికరమైన వార్త చక్కర్లు కొడుతోంది. ఈ సినిమాను క్రిస్మస్ కానుకగా డిసెంబర్ 24న ప్రపంచవ్యాప్తంగా థియేటర్లలో విడుదల చేసేందుకు మేకర్స్ ప్లాన్ చేస్తున్నట్లు సమాచారం. ఇటీవల కాకినాడలో ఈ సినిమా షూటింగ్ జరుగుతున్న సమయంలో బాలకృష్ణ ప్రమాదానికి గురైన విషయం తెలిసిందే. మోకాలికి గాయం కావడంతో శస్త్రచికిత్స చేయించుకున్నారు. దీంతో కొంతకాలంగా బాలయ్య విశ్రాంతి తీసుకుంటున్నారు.
వివరాలు
డిసెంబర్ 24న సినిమా రిలీజ్..
అక్టోబర్, నవంబర్ నెలల్లో నాన్స్టాప్గా షూటింగ్ నిర్వహించి, నవంబర్ చివరి నాటికి టాకీ పార్ట్తో పాటు పాటల చిత్రీకరణను పూర్తి చేయాలని చిత్ర బృందం భావిస్తోంది.
అనంతరం డిసెంబర్లో పోస్ట్ ప్రొడక్షన్ పనులను పూర్తి చేయడంతో పాటు ప్రమోషన్స్ను వేగవంతం చేయాలని మేకర్స్ ప్లాన్ చేస్తున్నారట.
క్రిస్మస్ సెలవులను క్యాష్ చేసుకునేలా డిసెంబర్ 24న సినిమాను థియేటర్లలోకి తీసుకురావాలని భావిస్తున్నట్లు సమాచారం.
వివరాలు
బాక్సాఫీస్ వద్ద భారీ వసూళ్లు..
'వీరసింహారెడ్డి' వంటి బ్లాక్బస్టర్ హిట్ తర్వాత బాలకృష్ణ, గోపీచంద్ మలినేని కాంబినేషన్ మరోసారి రిపీట్ అవుతుండటంతో ఈ సినిమాపై అభిమానుల్లో, సినీ వర్గాల్లో భారీ అంచనాలు నెలకొన్నాయి.
హై-వోల్టేజ్ మాస్ యాక్షన్ డ్రామాగా తెరకెక్కుతున్న ఈ చిత్రం డిసెంబర్ బాక్సాఫీస్ వద్ద భారీ వసూళ్లు సాధిస్తుందని ట్రేడ్ వర్గాలు అంచనా వేస్తున్నాయి.