అవార్డుల వేట మొదలెట్టిన కార్తికేయ 2, బెస్ట్ యాక్టర్ తో మొదలు
యంగ్ యాక్టర్ హీరో నిఖిల్, గత సంవత్సరం రెండు బ్లాక్ బస్టర్ సినిమాలను అందించాడు. కార్తికేయ 2 సినిమాతో దేశవ్యాప్తంగా సంచలనం సృష్టించి వందకోట్ల క్లబ్ లో చేరాడు. ఆ తర్వాత 18పేజెస్ సినిమాతో మంచి ప్రేమకథను తెలుగు ప్రేక్షకులకు అందించాడు. ప్రస్తుతం స్పై సినిమా పనుల్లో బిజీగా ఉన్నాడు. ఐతే, బాక్సాఫీస్ దగ్గర ఎన్నో కలెక్షన్లు అందుకున్న కార్తికేయ 2 చిత్రం, అవార్డుల వేటను మొదలెట్టింది. అవును, ఐకానిక్ గోల్డ్ అవార్డుల్లో బెస్ట్ యాక్టర్ పాపులర్ ఛాయిస్ గా నిఖిల్ ని అవార్డ్ వరించింది. ఈ విషయాన్ని ట్విట్టర్ ద్వారా పంచుకున్న నిఖిల్, దర్శకుడు చందూ మొండేటికి, నిర్మాతలు అభిషేక్ అగర్వాల్, టీజీ విశ్వ ప్రసాద్ లకు థ్యాంక్యూ తెలియజేసాడు.