ఎన్టీఆర్ 30: కొరటాల ఆశలకు నీళ్ళు, విలన్ గా ఒప్పుకోని బాలీవుడ్ స్టార్
ఈ వార్తాకథనం ఏంటి
ఎన్టీఆర్ 30 సినిమాలో విలన్ గా బాలీవుడ్ నటుడు సైఫ్ ఆలీ ఖాన్ చేస్తున్నాడు గతంలో చాలా వార్తలు వచ్చాయి. బాలీవుడ్ లో సినిమా మార్కెట్ పెంచడానికి బాలీవుడ్ నటులను తీసుకుంటున్నట్లు, అందులో భాగంగానే సైఫ్ ఆలీ ఖాన్ ని తీసుకున్నారనే ప్రచారం జరిగింది.
తాజా సమాచారం ప్రకారం, ఎన్టీఆర్ 30 సినిమాలో సైఫ్ ఆలీ ఖాన్ నటించడం లేదని అంటున్నారు. చిత్రబృందం సైఫ్ ఆలీ ఖాన్ ని అప్రోచ్ అయ్యిందనీ, కానీ సైఫ్ ఆలీ ఖాన్ సున్నితంగానే తిరస్కరించారని సమాచారం.
దీంతో మరో బాలీవుడు నటుడిని విలన్ పాత్రలో దించేందుకు కొరటాల టీం గట్టిగా కృషి చేస్తోందని వినిపిస్తోంది.
ఎన్టీఆర్
హైదరాబాద్ లో ఎన్టీఆర్ 30 షూటింగ్
పాన్ ఇండియా రేంజ్ లో రూపొందుతున్న ఈ సినిమా కోసం బాలీవుడ్ యాక్టర్ ని విలన్ గా తీసుకుంటుందని చిత్రబృందం భావిస్తుందట. మరి ఎన్టీఆర్ 30లో విలన్ గా ఎవరు వస్తారో చూడాలి.
ప్రస్తుతం హైదరాబాద్ లో ఎన్టీఆర్ 30 షూటింగ్ జరుగుతోంది. ఎన్టీఆర్ కూడా చిత్రీకరణలో పాల్గొంటున్నాడు.
ఎన్టీఆర్ 30ని ప్రతిష్టాత్మకంగా తీర్చిదిద్దేందుకు కొరటాల శివ కృషి చేస్తున్నాడు. యాక్షన్ సీన్ల కోసం హాలీవుడ్ నుండి కెన్నీ బేట్స్ ని తీసుకొచ్చారు. అలాగే విజువల్ ఎఫెక్ట్స్ కోసం హాలీవుడ్ చిత్రాలకు పనిచేసిన బ్రాడ్ మిన్నిచ్ ని ఎంపిక చేసుకున్నారు.
యాక్షన్ డ్రామాగా రూపొందుతున్న ఈ సినిమాలో ఎన్టీఆర్ కి జోడీగా జాన్వీ కపూర్ నటిస్తోంది.