ఎన్టీఆర్ 30: ద్విపాత్రాభినయంలో ఎన్టీఆర్, విలన్ గాసైఫ్ ఆలీఖాన్?
ఎన్టీఆర్ 30 సినిమా గురించి అధికారిక అప్డేట్లు ఇప్పటివరకు రాలేదు కానీ అనధికారికంగా అనేక వార్తలు పుట్టుకొస్తున్నాయి. ఇప్పటివరకు ఈ సినిమాలో హీరోయిన్ ఎవరనేది తెలియదు కానీ బాలీవుడ్ భామ జాన్వి కపూర్ ని హీరోయిన్ గా తీసేసుకున్నారని ప్రచారం జరిగింది. ఇప్పుడు విలన్ విషయంలోనూ అలాంటి ప్రచారమే చక్కర్లు కొడుతోంది. బాలీవుడ్ హీరో సైఫ్ అలీ ఖాన్, ఎన్టీఆర్ 30 సినిమాలో విలన్ గా కనిపించనున్నాడని వార్తలు వస్తున్నాయి. అంతేకాదు ఎన్టీఆర్30 సినిమా కథ గురించి, అందులోని ఎన్టీఆర్ పాత్ర గురించి కూడా పుకార్లు షికార్లు చేస్తున్నాయి. ఈ సినిమాలో ఎన్టీఆర్ రోల్ చేస్తున్నాడని, ఈ కథ ముంబై నేపథ్యంగా జరుగుతుందని చెబుతున్నారు.
ముంబై మాఫియా నేపథ్యంలో తెరకెక్కనున్న ఎన్టీఆర్ 30
కొరటాల శివ దర్శకత్వంలో రూపొందుతున్న ఈ మూవీ, ముంబై మాఫియా నేపథ్యంలో తెరకెక్కుతుందని, సినిమాలోని ఎమోషన్స్, పాత్రలు.. ఎవ్వరూ ఊహించని విధంగా ఉంటాయని అంటున్నారు. ఇక్కడ విచిత్రమైన విషయం ఏమిటంటే అప్డేట్లు అడగొద్దని ఎన్టీఆర్ చెప్పినప్పటినుండి ఏదో ఒక అనధికారిక అప్డేట్ సోషల్ మీడియాలో తిరుగుతూనే ఉంది. అదలా ఉంచితే ఎన్టీఆర్30 సినిమా ఫిబ్రవరి 24న పూజా కార్యక్రమాలతో మొదలవుతుందని వినిపిస్తోంది. ఆ తర్వాత ఆస్కార్ అవార్డ్స్ కోసం ఎన్టీఆర్ అమెరికా వెళ్తారని, అక్కడి నుండి తిరిగి వచ్చిన తర్వాత రెగ్యులర్ గా షూటింగ్ జరుగుతుందని గుసగుసలు పెట్టుకుంటున్నారు. యువ సుధా ఆర్ట్స్ బ్యానర్ పై రూపొందుతున్న ఎన్టీఆర్ 30 సినిమాకు అనిరుద్ రవిచంద్రన్ సంగీతం అందిస్తున్నారు.
