ఎన్టీఆర్ 30 : ఈనెల 24వ తేదీన ముహూర్తం ఫిక్స్?
ఈ వార్తాకథనం ఏంటి
ఎన్టీఆర్ అభిమానులు ఎప్పుడెప్పుడా అని ఎదురుచూస్తున్న తరుణం రానే వచ్చింది. అప్డేట్ల కోసం అంతలా అడగొద్దని ఎన్టీఆర్ చెప్పడంతో అభిమానులు దాదాపు కామ్ అయిపోయారు. కానీ వాళ్ళ మనసులో మాత్రం, ఆత్రం అలాగే ఉంది, ఇప్పుడు అది తీరిపోయే సమయం వచ్చేసింది. ఎన్టీఆర్ 30 షూటింగ్ పై ఒక పుకారు చక్కర్లు కొడుతోంది.
ఈ నెల 24వ తేదీన ఎన్టీఆర్30 మొదలవుతుందని, పూజా కార్యక్రమాలు ఉంటాయని తెలుస్తోంది. నిజానికి ఈ సినిమాను ఇప్పుడప్పుడే మొదలు పెట్టాలని మేకర్స్ అనుకోలేదట.
ఆస్కార్ నామినేషన్లో ఉన్న నాటునాటు పాట కోసం, ఎన్టీఆర్ అమెరికాకు వెళ్లి, తిరిగి ఇండియాకు వచ్చాక ఎన్టీఆర్ 30షూటింగ్ ప్రారంభించాలని అనుకున్నారట. అప్పటివరకైతే ఆలస్యం అవుతుందని ఈనెల 24వ తేదీన ఫిక్స్ చేశారట.
ఎన్టీఆర్ 30
ఆస్కార్ అవార్డు ప్రధానోత్సవం కంటే ముందుగానే షూటింగ్ మొదలు
ఫిబ్రవరి 24వ తేదీన షూటింగ్ మొదలెట్టి కొన్ని సీన్లు చిత్రీకరిస్తారట, ఆ తర్వాత ఆస్కార్స్ అవార్డ్స్ ప్రధానోత్సవం పూర్తయిపోయి ఎన్టీఆర్ ఇండియాకు తిరిగి వచ్చాక రెగ్యులర్ షూటింగ్ మొదలవుతుందని రూమర్లు వినిపిస్తున్నాయి.
ఈ వార్తను నిజమై, ఎన్టీఆర్ 30 సినిమా షూటింగ్ తొందరగా మొదలు కావాలని ఎన్టీఆర్ అభిమానులు ఆశిస్తున్నారు.
ఎన్టీఆర్ 30లో హీరోయిన్ గా జాన్వీ కపూర్ ఎంపికైందని, మరికొద్ది రోజుల్లో ఎన్టీఆర్, జాన్వీ కపూర్ ల ఫోటోషూట్ జరుగుతుందని పలు మీడియా సంస్థలు వార్తలు రాసాయి.
అదీగాక సీతారామం బ్యూటీ మృణాల్ ఠాకూర్ కూడా ఒక ప్రధాన పాత్రలో నటిస్తుందని వినికిడి.
యువసుధ ఆర్ట్స్ బ్యానర్ పై రూపొందుతున్న ఎన్టీఆర్ 30 మూవీ, 2024 ఏప్రిల్ 5వ తేదీన విడుదలవుతుంది.