NTRNeel: ప్రశాంత్ నీల్ దర్శకత్వంలో జూనియర్ ఎన్టీఆర్ సినిమా.. వచ్చే వారానికి వాయిదా పడ్డ షూటింగ్
ఈ వార్తాకథనం ఏంటి
జూనియర్ ఎన్టీఆర్ "దేవర" సినిమాతో ఊహించని స్థాయి విజయాన్ని సాధించాడు.
నిజానికి ఆ విజయాన్ని ఊహించారు కానీ, ఆ ఊహలకు మించి కలెక్షన్లు వచ్చాయి. అయితే, ఇప్పటి వరకు ఎన్టీఆర్ సోలో హీరోగా 1000 కోట్ల గ్రాస్ కలెక్ట్ చేసిన సినిమా లేదు.
"ఆర్ఆర్ఆర్" సినిమా ఉన్నప్పటికీ, ఆ విజయానికి రాజమౌళి, రామ్ చరణ్‌లకు కూడా సమానంగా క్రెడిట్ ఇవ్వాలి.
అందుకే, అభిమానులు ఎన్టీఆర్ సింగిల్ 1000 కోట్ల సినిమా కోసం అత్యంత ఆతృతతో ఎదురుచూస్తున్నారు.
ప్రస్తుతం "దేవర" సినిమాను పూర్తి చేసిన తర్వాత, ఎన్టీఆర్ ప్రశాంత్ నీల్ దర్శకత్వంలో ఒక సినిమా చేయనున్నాడు.
ఈ సినిమాకి ఇంకా టైటిల్ ఖరారు చేయనప్పటికీ,అభిమానులు #NTRNeel అనే హ్యాష్ ట్యాగ్‌తో దాన్ని రిఫర్ చేస్తున్నారు.
వివరాలు
5 బాషలలో ఒకేసారి విడుదల చేయాలని ప్రణాళిక
ఈ సినిమాకు సంబంధించిన రెగ్యులర్ షూటింగ్ వచ్చే వారం ప్రారంభం కానుందని సమాచారం.
నిజానికి ఈ రోజు షూటింగ్ మొదలు కావాల్సి ఉన్నా,కొన్ని కారణాల వల్ల ప్రారంభం కాలేదు.
కానీ వచ్చే వారం నుంచి షూటింగ్ ప్రారంభించి,ఈ ఏడాది చివరి నాటికి సినిమాను రిలీజ్ చేయాలని ప్రణాళికలు సిద్ధం చేస్తున్నారు.
ఈ చిత్రాన్ని మైత్రి మూవీ మేకర్స్ భారీ బడ్జెట్‌తో నిర్మిస్తున్నారు. ప్రశాంత్ నీల్ తన రెగ్యులర్ టీమ్‌తో కలిసి ఈ సినిమాను రూపొందిస్తున్నారు.
ఈ సినిమాకు రవి బస్రూర్ సంగీతాన్ని అందిస్తుండగా, భువన్ గౌడ సినిమాటోగ్రఫీ బాధ్యతలను తీసుకుంటున్నారు.
ఈ సినిమాను తెలుగు, తమిళ, కన్నడ, మలయాళ, హిందీ భాషల్లో పాన్ ఇండియా స్థాయిలో ఒకేసారి విడుదల చేయాలని ప్రణాళికలు జరుగుతున్నాయి.