యానిమల్: టీజర్ రిలీజ్ డేట్ పై క్లారిటీ ఇచ్చిన సందీప్ రెడ్డి వంగా
అర్జున్ రెడ్డి సినిమాతో సంచలనం సృష్టించిన దర్శకుడు సందీప్ రెడ్డి వంగా, ప్రస్తుతం రణ్ బీర్ కపూర్ హీరోగా బాలీవుడ్ లో యానిమల్ సినిమాను తెరకెక్కిస్తున్నాడు. ఇప్పటివరకు ఈ సినిమా నుండి చిన్నపాటి గ్లింప్స్ మాత్రమే విడుదలైంది. రష్మిక మందన్న నటిస్తున్న ఈ సినిమా నుండి లేటెస్ట్ అప్డేట్ వచ్చింది. యానిమల్ టీజర్ విడుదల తేదీని చిత్ర బృందం ప్రకటించింది. సెప్టెంబర్ 28వ తేదీన ఉదయం 10గంటలకు యానిమల్ టీజర్ ను విడుదల చేస్తున్నట్లు సందీప్ రెడ్డి వంగా ప్రకటించారు. ఈ మేరకు యానిమల్ పోస్టర్ ని వదిలారు. టీ సిరీస్, భద్రకాళి పిక్చర్స్ సంయుక్తంగా నిర్మిస్తున్న ఈ సినిమాను డిసెంబర్ 1న రిలీజ్ చేస్తున్నారు.
