ఈ వారం ఓటీటీలో సందడి చేయనున్న ఇంట్రెస్టింగ్ కంటెంట్
ఈ వార్తాకథనం ఏంటి
ఈ వారం థియేటర్లలో మంచి మంచి సినిమాలు రాబోతున్నాయి. అలాగే ఇటు ఓటీటీలో కూడా ఆసక్తికరమైన కంటెంట్ రిలీజ్ అవుతోంది.
ప్రస్తుతం, ఈ వారం ఓటీటీలో రిలీజ్ అవుతున్న కంటెంట్ ఏంటో తెలుసుకుందాం.
డీడీ రిటర్న్స్:
తమిళ నటుడు సంతానం హీరోగా రూపొందిన ఈ సినిమా, ప్రస్తుతం ఓటీటీ విడుదలకు సిద్ధమవుతోంది. కామెడీ ఎంటర్ టైనర్ గా రూపొందిన ఈ సినిమాను ఎస్ ప్రేమ్ ఆనంద్ డైరెక్ట్ చేసారు. సెప్టెంబర్ 1నుండి జీ5లో స్ట్రీమింగ్ అవుతుంది.
ద ఫ్రీ లాన్సర్స్:
మోహిత్ రానా, అనుపమ్ ఖేర్, కశ్మీరా పరదేసి నటించిన ఈ వెబ్ సిరీస్ ని నీరజ్ పాండే రూపొందించారు. సెప్టెంబర్ 1వ తేదీ నుండి హాట్ స్టార్ లో అందుబాటులో ఉండనుంది.
Details
స్కామ్ 2003 ది తెల్గీ స్టోరీ
నకిలీ స్టాంప్ పేపర్స్ కుంభకోణం గురించి ఈ సిరీస్ లో చూపించబోతున్నారు. 2003లో జరిగిన యదార్థ సంఘటన ఆధారంగా ఈ సిరీస్ ని తెరకెక్కించారు.
అప్పట్లో జరిగిన నకిలీ స్టాంప్ పేపర్స్ కుంభకోణాన్ని ఒకానొక జర్నలిస్టు బయటపెట్తారు. ఈ సిరీస్ ను అప్లాజ్ ఎంటర్ టైన్మెంట్, స్టూడియో నెక్స్ట్ బ్యానర్లు సంయుక్తంగా నిర్మిస్తున్నాయి.
తుషార్ హీరా నందని దర్శకత్వం వహిస్తున్న ఈ సిరీస్, సెప్టెంబర్ 1నుండి సోనీ లివ్ లో స్ట్రీమింగ్ కానుంది.
పైన చెప్పుకున్న ది ఫ్రీలాన్సర్స్, స్కామ్ 2003 వెబ్ సిరీస్ లు తెలుగులో కూడా అందుబాటులో ఉండనున్నాయి.