ఓటీటీ: ఈ వారం స్ట్రీమింగ్ కానున్న సినిమాల లిస్టు
ప్రతీవారం ఓటీటీ ప్రేక్షకులకు వినోదం పంచడానికి స్ట్రీమింగ్ ఫ్లాట్ ఫామ్స్ సిద్ధంగా ఉంటాయి. ఈ వారం కూడా అద్భుతమైన సినిమాలు, సిరీస్ లతో ప్రేక్షకులను అలరించడానికి సిద్ధమైపోయాయి. ప్రస్తుతం ఈ వారం ఓటీటీలో స్ట్రీమింగ్ కానున్న సినిమాలు ఏంటో తెలుసుకుందాం. ఖుషి: విజయ్ దేవరకొండ, సమంత హీరో హీరోయిన్లుగా నటించిన ఈ చిత్రం థియేటర్ల వద్ద ఓ మోస్తారు విజయాన్ని అందుకుంది. శివ నిర్వాణ దర్శకత్వం వహించిన ఈ సినిమాలోని పాటలకు మంచి రెస్పాన్స్ వచ్చింది. అక్టోబర్ 1వ తేదీ నుండి నెట్ ఫ్లిక్స్ వేదికగా ఖుషి సినిమా అందుబాటులో ఉండనుంది.
అఖిల్ 'ఏజెంట్'
అక్కినేని అఖిల్ హీరోగా నటించిన ఏజెంట్ సినిమా థియేటర్ల వద్ద ఘోర పరాజయాన్ని చవిచూసింది. సురేందర్ రెడ్డి దర్శకత్వం వహించిన ఈ సినిమాలో సాక్షి వైద్య హీరోయిన్ గా కనిపించింది. ఈ సినిమా ఓటీటీ విడుదల కోసం ఎంతోమంది ప్రేక్షకులు ఎదురుచూస్తున్నారు. సెప్టెంబర్ 29వ తేదీ నుండి సోనీ లివ్ ఫ్లాట్ ఫామ్ లో ఏజెంట్ మూవీ స్ట్రీమింగ్ కానుంది. కుమారి శ్రీమతి: శ్రీనివాస్ అవసరాల కథ అందించిన ఈ తెలుగు సిరీస్ లో నిత్యా మీనన్ ప్రధాన పాత్రలో కనిపిస్తున్నారు. నిరుపమ్ పరిటాల, తిరువీర్, గౌతమి, తాళ్లూరి రామేశ్వరి, ప్రేమ్ సాగర్ కీలక పాత్రల్లో కనిపిస్తున్నారు. సెప్టెంబర్ 28వ తేదీ నుండి అమెజాన్ వేదికగా ఈ సిరీస్ స్ట్రీమింగ్ కానుంది.
పాపం పసివాడు
పాపం పసివాడు సిరీస్ తో సింగర్ శ్రీరామచంద్ర హీరోగా మారాడు. ఒకటి కంటే ఎక్కువ మంది అమ్మాయిలను ఒకే కాలంలో ఇష్టపడే యువకుడి కథే పాపం పసివాడు. సెప్టెంబర్ 29 నుండి ఆహాలో అందుబాటులో ఉంటుంది. నెట్ ఫ్లిక్స్ లో స్ట్రీమింగ్ కానున్న సినిమాలు: స్పైడర్ మ్యాన్: ఎక్రాస్ ద స్పైడర్ వర్స్ - అక్టోబర్ 1 చూనా( హిందీ సిరీస్) - సెప్టెంబర్ 29 లిటిల్ బేబీ బమ్: మ్యూజిక్ టైం (ఇంగ్లీష్ సిరీస్) - సెప్టెంబర్ 25 అమెజాన్ ప్రైమ్ లో విడుదల కానున్న సినిమాలు హాస్టల్ డేజ్ సీజన్ 4 (హిందీ సిరీస్) - సెప్టెంబర్ 23 జెన్ వి (ఇంగ్లీష్ సిరీస్) -సెప్టెంబర్ 29.
