ఈవారం సినిమా: ఓటీటీలో రిలీజ్ అయ్యే సినిమాల లిస్టు
ఈ వార్తాకథనం ఏంటి
ప్రతీ వారం కొత్త కొత్త కంటెంట్ తో ప్రేక్షకులను పలకరిస్తున్నాయి ఓటీటీ ఫ్లాట్ ఫామ్స్. ఈ వారం అదిరిపోయే సినిమాలు ఓటీటీ వేదికగా రిలీజ్ అవుతున్నాయి. ఆ సినిమాల లిస్ట్ ఏంటో చూద్దాం. సత్తిగాని రెండెకరాలు: ఆహాలో రిలీజ్ అవుతున్న ఈ సినిమాలో పుష్ప ఫేమ్ జగదీష్ ప్రతాప్ ప్రధాన పాత్రలో కనిపిస్తున్నాడు. వెన్నెల కిషోర్ కీలక పాత్రలో నటించిన ఈ సినిమాను అభినవ్ దర్శకత్వం వహించారు. మే 26వ తేదీ నుండి స్ట్రీమింగ్ అవుతుంది. పొన్నియన్ సెల్వన్ 2: మణిరత్నం తెరకెక్కించిన అత్యంత భారీ ప్రాజెక్టు పొన్నియన్ సెల్వన్ రెండవ భాగం, మే 26వ తేదీ నుండి అమెజాన్ ప్రైమ్ వీడియోలో అందుబాటులో ఉండనుంది.
Details
జీ5లో స్ట్రీమింగ్ అవనున్న సల్మాన్ ఖాన్ సినిమా
పొన్నియన్ సెల్వన్ 2 సినిమాను ప్రస్తుతం డబ్బులు కట్టి ఈ సినిమాను చూడాల్సి ఉంటుంది. జూన్ 2వ తేదీ నుండి ప్రైమ్ వీడియో సబ్ స్క్రైబర్స్ అందరూ ఉచితంగా చూడవచ్చు. కిసీ కా భాయ్ కిసీ కా జాన్: సల్మాన్ ఖాన్ నటించిన ఈ చిత్రం, రంజాన్ సందర్భంగా థియేటర్లలో రిలీజై నెగెటివ్ రివ్యూస్ తెచ్చుకుంది. పూజా హెగ్డే హీరోయిన్ గా కనిపించిన ఈ చిత్రంలో విక్టరీ వెంకటేష్ కీలక పాత్రలో నటించారు. మే 26నుండి జీ5 లో స్ట్రీమింగ్ అవుతుంది. విడుదల: తమిళ దర్శకుడు వెట్రిమారన్ తెరకెక్కించిన పోలీస్ డ్రామా విడుదల, ఆల్రెడీ జీ5 లో అందుబాటులో ఉంది. ఈ సినిమాలో విజయ్ సేతుపతి కీలక పాత్రలో కనిపించారు.