పొన్నియన్ సెల్వన్ 2: కార్తీ కోసం చెన్నై తరలి వచ్చిన జపాన్ అభిమానులు
మణిరత్నం దర్శకత్వం వహించిన పొన్నియన్ సెల్వన్ రెండవ భాగం రిలీజై బాక్సాఫీస్ వద్ద మంచి కలెక్షన్లు వసూళ్ళు చేస్తోంది. ఇప్పటివరకు 200 కోట్లకు పైగా కలెక్షన్లు సాధించింది. రిలీజ్ అయిన నాలుగు రోజుల్లోనే ఈ మేర కలెక్షన్లు రావడంతో పొన్నియన్ సెల్వన్ 2 చిత్రం పక్కా బ్లాక్ బస్టర్ అవుతుందని అంచనా వేస్తున్నారు. ఈ సినిమాలో నటించిన కార్తీ కోసం జపాన్ నుండి అభిమానులు చెన్నైకి తరలి వచ్చారు. అవును, తాజాగా జపాన్ అభిమానులతో హీరో కార్తీ దిగిన ఫోటోలు సోషల్ మీడియాలో వైరల్ అవుతున్నాయి. ఇప్పటివరకు పొన్నియన్ సెల్వన్ 2 చిత్రాన్ని రెండు సార్లు చూసారు జపాన్ అభిమానులు. సినిమా చూసిన అనంతరం కార్తీని కలుసుకుని లంచ్ చేసారు.
