ఈ వారం థియేటర్లలో రిలీజ్ అవుతున్న తెలుగు సినిమాలు
ఈ వార్తాకథనం ఏంటి
ప్రతీవారం థియేటర్లలోకి సరికొత్త సినిమాలు వచ్చేస్తుంటాయి. ఈ వారం నాలుగు సినిమాలు ప్రేక్షకులకు వినోదాన్ని పంచడానికి వస్తున్నాయి. ఆ చిత్రాల విశేషాలు తెలుసుకుందాం.
అహింస:
ఈ సినిమాతో రానా దగ్గుబాటి తమ్ముడు దగ్గుబాటి అభిరామ్, ఇండస్ట్రీకి పరిచయమవుతున్నాడు. తేజ దర్శకత్వం వహించిన ఈ సినిమాను ఆనంది ఆర్ట్స్ క్రియేషన్స్ బ్యానర్ లో నిర్మించారు.
ఈ సినిమాలోని నీతోనే నీతోనే పాట ఆల్రెడీ యూట్యూబ్ లో ట్రెండింగ్ లో ఉంది. ప్రేమ, యాక్షన్ అంశాలతో తెరకెక్కిన ఈ సినిమా, జూన్ 2న థియేటర్లలోకి వస్తుంది. మరి ఈ సినిమాతో అభిరామ్ హిట్ అందుకుంటాడో లేదో చూడాలి.
Details
సురేష్ ప్రొడక్షన్ బ్యానర్ లో రిలీజ్ అవుతున్న పరేషాన్
నేను స్టూడెంట్ సర్
బెల్లంకొండ సాయి శ్రీనివాస్ తమ్ముడు బెల్లంకొండ గణేష్ రెండవ చిత్రం నేను స్టూడెంట్ సర్. రాఖీ ఉప్పలపాటి దర్శకత్వం వహించిన ఈ సినిమా, యాక్షన్ థ్రిల్లర్ గా రూపొందింది.
అవంతిక హీరోయిన్ గా కనిపిస్తున్న ఈ సినిమాలో కీలక పాత్రల్లో సునీల్, సముద్రఖని నటించారు. జూన్ 2న థియేటర్లలోకి వస్తుంది.
పరేషాన్:
మసూద సినిమాతో ప్రేక్షకులను భయపెట్టిన హీరో తిరువీర్, ఈసారి నవ్వించడానికి పరేషాన్ సినిమాతో రెడీ ఐపోయాడు. సురేష్ ప్రొడక్షన్స్ బ్యానర్ లో రానా దగ్గుబాటి రిలీజ్ చేస్తున్నారు.
రూపక్ రోనాల్డ్ సన్ దర్శకత్వం వహించిన ఈ సినిమాలో పావని కరణం హీరోయిన్ గా చేసింది. జూన్ 2వ తేదీన ప్రేక్షకుల ముందుకు వస్తోంది.
Details
పవర్ ఫుల్ పోలీస్ ఆఫీసర్ గా అజయ్
చక్రవ్యూహం:
విలన్ గా, క్యారెక్టర్ ఆర్టిస్టుగా మెప్పించే అజయ్, చక్రవ్యూహం సినిమాలో ప్రధాన పాత్రలో కనిపిస్తున్నాడు. చెట్కూరి మధుసూధన్ దర్శకత్వం వహించిన ఈ సినిమా, థ్రిల్లర్ జోనర్ లో రూపొందింది.
మర్డర్ మిస్టరీని ఛేధించే పవర్ ఫుల్ పోలీస్ ఆఫీసర్ గా అజయ్ కనిపించనున్నారు. జూన్ 2న విడుదల.
ఐక్యూ:
సాయి చరణ్, పల్లవి హీరోహీరోయిన్లుగా రూపొందిన ఈ చిత్రాన్ని శ్రీనివాస్ జీ ఎల్ బీ డైరెక్ట్ చేసారు. జూన్ 2న విడుదల అవుతుంది.