#OG: ఒరిజినల్ గ్యాంగ్ స్టర్ పక్కన గ్యాంగ్ లీడర్ భామ ఫిక్స్
పవన్ కళ్యాణ్ నటిస్తున్న ఓజీ సినిమా పనులు చాలా వేగంగా జరుగుతున్నాయి. ముంబైలో టెస్ట్ షూట్ పూర్తి చేసుకోవడం, షూటింగ్ మొదలు కావడం సహా అన్నీ చకచకా జరిగిపోతున్నాయి. ప్రస్తుతం ఓజీ సినిమాలో పవన్ పక్కన కనిపించే హీరోయిన్ ని ఫిక్స్ చేసారు. నాని హీరోగా విడుదలైన గ్యాంగ్ లీడర్ చిత్రంలోని ప్రియాంక మోహన్ ని ఓజీ చిత్రంలో హీరోయిన్ గా తీసుకున్నారు. ఈ మేరకు చిత్ర నిర్మాణ సంస్థ అధికారికంగా ప్రకటించింది. ప్రియాంక మోహన్ కెరీర్: గ్యాంగ్ లీడర్ తో తెలుగులోకి ఎంట్రీ ఇచ్చిన భామ, ఆ తర్వాత శర్వానంద్ సరసన శ్రీకారంలో మెరిసింది. ఈ రెండు చిత్రాలు బాక్సాఫీసు వద్ద ప్రభావం చూపలేకపోయాయి. ఓజీ చిత్రాన్ని దర్శకుడు సుజిత్ తెరకెక్కిస్తున్నారు.
