పూరీ జగన్నాథ్ సినిమాల్లోని పవర్ ఫుల్ డైలాగ్స్ ఇవే
ఈ వార్తాకథనం ఏంటి
సినిమా డైలాగుల పవర్ ని వోల్టేజీల్లో కొలిస్తే పూరీ జగన్నాథ్ రాసే డైలాగులకు హై వోల్టేజ్ ఉంటుంది. డైలాగ్స్ వింటే నరాల్లో విద్యుత్తు జివ్వున ప్రవహించినట్టు ఉంటుంది.
బద్రి నుండి లైగర్ వరకూ పూరీ జగన్నాథ్ పవర్ ఫుల్ డైలాగులు తెలుసుకుందాం.
బద్రి:
నువ్వు నందా అయితే ఏంటి? నేను బద్రి బద్రినాథ్.. ఈ డైలాగ్ వినని వారు, ఆ తర్వాత ఇదే స్టైల్ లో తమ సొంత డైలాగ్స్ చెప్పని వారు ఎవరూ ఉండరు.
ఇడియట్:
ఈ సినిమాలో, సిటీకి ఎంతోమంది కమీషనర్లు వస్తూ ఉంటారు.. పోతూ ఉంటారు, చంటిగాడు లోకల్..అనే డైలాగ్ బాగా ఫేమస్.
Details
జనాల నోళ్ళలో నానే డైలాగులు
శివమణి:
పోలీస్ క్యారెక్టర్ లోని పవర్ ని, తిక్కనీ చూపించేలా ఈ సినిమాలో ఒక డైలాగ్ ఉంటుంది. నాపేరు శివమణి, నాక్కొంచెం మెంటల్ అనే డైలాగ్ విని ఇదేంటి అని ఆశ్చర్యపోతారు. కానీ సినిమా చూస్తే ఆ మెంటల్ ఏంటో అర్థమైపోతుంది.
పోకిరి:
మహేష్ బాబు ని అల్ట్రా మాస్ అవతారంలో చూపించాడు పూరీ. ఈ సినిమాలోని, ఎవ్వడు కొడితే దిమ్మ తిరిగి మైండ్ బ్లాక్ ఐపోద్దో ఆడే పండుగాడు అనే డైలాగ్ ని ఇప్పటికీ జనాలు వాడుతుంటారు.
ఇదే సినిమాలో, ఒక్కసారి కమిట్ ఐతే నా మాట నేనే వినను అనే డైలాగ్ కూడా బాగా ఫేమస్. పండగ చేస్కో అనే మాట ఈ సినిమాలోనే మొదటిసారిగా వినిపించింది.
Details
డైలాగుల్లో జీవిత పాఠాలు
నేనింతే:
తుడిస్తే పోతుందనుకుంటే నూటికి తొంభై తొమ్మిది సార్లు తుడుచుకోవడానికి రెడీ, కానీ నేనే పోతాననుకుంటే నువ్వు పోతావ్.
బిజినెస్ మేన్:
జీవితమనేది ఒక యుద్ధం, దేవుడు మనల్ని వార్ జోన్ లో పడేసాడు. బీ అలెర్ట్, ప్రొటెక్ట్ యువర్ సెల్ఫ్. లైఫ్ లో ఒక గోల్ అంటూ పెట్టుకోండి. పాడాలనుకుంటే కసిగా పాడేయండి, చదవాలనుకుంటే కసిగా చదివేయండి.
గుర్తుపెట్టుకో, నీకంటే తోపు ఎవడూ లేడిక్కడ, నీకేదనిపిస్తే అది చెయ్, ఎవడి మాటా వినద్దు, మనిషి మాట అస్సలు వినొద్దు. నీ టార్గెట్ టెన్ మైల్స్ అయితే ఏయిమ్ ఫర్ ద లెవెన్త్ మైల్.
Details
ఎన్టీఆర్ నోట పవర్ ఫుల్ డైలాగ్స్
టెంపర్:
జూనియర్ ఎన్టీఆర్ నెగెటివ్ షేడ్స్ లో కనిపించే ఈ సినిమాలో పవర్ ఫుల్ డైలాగ్స్ చాలా ఉన్నాయి.
నా పేరు దయ, నాకు లేనిదే అది.
ఇద్దరు కొట్టుకుంటే యుద్ధం, అదే ఒకడు మీదడిపోతే దండయాత్ర, ఇది దయా గాడి దండయాత్ర.
జీవితం ఎవ్వరినీ వదిలిపెట్టదు, అందరి సరదా తీర్చేస్తది, నాక్కూడా తీరిపోయింది, అయినా మారతానన్న గ్యారెంటీ లేదు.