సలార్, ప్రాజెక్ట్ కె అప్డేట్లపై ప్రభాస్ పెట్టిన కండీషన్స్?
ఈ వార్తాకథనం ఏంటి
ఈ మధ్య అభిమానుల నుంచి అప్డేట్ల గోల చాలా ఎక్కువగా వినిపిస్తోంది. అప్డేట్ కావాలంటూ నిర్మాతల మీద ఒత్తిడి పెంచుతున్నారు. సాక్షాత్తు సినిమా హీరోలే దిగివచ్చి అప్డేట్ల విషయంలో ఆత్రపడద్దని అభిమానులకు చెప్పాల్సి వస్తోంది.
ఈ అప్డేట్ల విషయంలో ప్రభాస్ ఒక నిర్ణయం తీసుకున్నట్లు సోషల్ మీడియాలో వార్తలు వస్తున్నాయి. ప్రభాస్ ప్రస్తుతం సలార్, ప్రాజెక్ట్ కె, రాజా డీలక్స్ సినిమా షూటింగుల్లో పాల్గొంటున్నాడు.
అయితే ఈ మూడు సినిమాల నుండి అప్డేట్లు అప్పుడే బయటకు ఇవ్వొద్దని ప్రభాస్ కండిషన్ పెట్టాడట. ఎలాంటి చిన్న అప్డేట్ కూడా జూన్ వరకు ఇవ్వరాదని చెప్పాడట. ఆదిపురుష్ సినిమా కోసమే ఇలాంటి కండిషన్లు పెట్టాడని చెప్పుకుంటున్నారు.
ప్రభాస్
ఆదిపురుష్ హైప్ కోసమే అప్డేట్లు వద్దంటున్న ప్రభాస్
ఆదిపురుష్ టీజర్ రిలీజయ్యాక దానిమీద ఎంత నెగెటివిటీ వచ్చిందో అందరికీ తెలిసిందే. ఆ కారణంగానే జనవరిలో రిలీజ్ కావాల్సిన సినిమా, జూన్ కి వాయిదా పడింది.
ఇప్పుడు ఆదిపురుష్ సినిమాకు హైప్ పెంచడమనేది చాలా ఇంపార్టెంట్. ఈ టైమ్ లో వేరే సినిమాల అప్డేట్లు ఇస్తే ఆదిపురుష్ సినిమాపై అభిమానులకు ఆసక్తి తగ్గే అవకాశం ఉంటుంది.
ఆ ఆసక్తి తగ్గకుండా ఉండాలంటే మిగతా సినిమాల అప్డేట్లు ఆపేయాలని నిర్ణయించుకున్నారట. సోషల్ మీడియాలో చక్కర్లు కొడుతున్న ఈ వార్త నిజమైతే మంచిదేనని నెటిజన్లు కామెంట్లు చేస్తున్నారు.
ఆదిపురుష్ కోసం ప్రభాస్ అలాంటి నిర్ణయం తీసుకోవడం సబబుగానే ఉందనీ మరికొంతమంది అంటున్నారు. ఓం రౌత్ దర్శకత్వంలో రూపొందుతున్న ఆదిపురుష్ మూవీ, జూన్ 16వ తేదీన విడుదలవుతుంది.