క్రితిసనన్ తో ఎంగేజ్ మెంట్ వార్తలపై స్పందించిన ప్రభాస్ టీమ్
ప్రభాస్ -క్రితిసనన్ ఎంగేజ్మెంట్ గురించిన వార్తలు సోషల్ మీడియాలో అందరినీ ఆశ్చర్యానికి గురిచేసాయి. సడెన్ గా ఎంగేజ్మెంట్ గురించి వార్త రావడంతో నమ్మాలా వద్దా అనే డైలమాలో పడిపోయారు. గతకొన్ని రోజులుగా ప్రభాస్ - క్రితిసనన్ క్లోజ్ గా ఉంటున్నారని, వీరిద్దరి మధ్య డేటింగ్ నడుస్తోందనీ చాలా పుకార్లు వచ్చాయి. తాజాగా ఆ పుకార్లు నిజమే అన్నట్టుగా ప్రభాస్ - క్రితిసనన్ ల ఎంగేజ్మెంట్ వచ్చే వారం మాల్దీవ్స్ లో ఉంటుందని బాలీవుడ్ క్రిటిక్ సోషల్ మీడియాలో పోస్ట్ చేసారు. ఐతే ఈ ఎంగేజ్మెంట్ వార్తలు నిజం కావని, ప్రభాస్ - క్రితిసనన్ కేవలం ఫ్రెండ్స్ మాత్రమేనని, వారిద్దరి మధ్య ఎలాంటి రిలేషన్ లేదని ప్రభాస్ టీమ్ చెప్పినట్లు ఈటైమ్స్ రాసుకొచ్చింది.
క్రిటిక్ పై విమర్శలు కురిపిస్తున్న ప్రభాస్ ఫ్యాన్స్
ఎంగేజ్ మెంట్ వార్తలు రాసిన క్రిటిక్ పై ప్రభాస్ అభిమానులు సోషల్ మీడియా సాక్షిగా విమర్శలు గుప్పిస్తున్నారు. అబద్ధాలను ప్రచారం చేసి గుర్తింపు పొందాలనే ప్రయత్నాన్ని మానుకోవాలని అభిమానులు ఆ క్రిటిక్ కి సలహాలు ఇస్తున్నారు. అదలా ఉంచితే బాలీవుడ్ హీరో వరుణ్ ధావన్ ఈ మధ్య ఒక ప్రోగ్రామ్ లో మాట్లాడుతూ, క్రితిసనన్ ఎవరితోనో ప్రేమలో ఉందన్నట్టుగా చెప్పుకొచ్చాడు. ఇంకా మొన్నటికి మొన్న అన్ స్టాపబుల్ టాక్ షోలో క్రితిసనన్ పేరు చెప్పి మరీ ప్రభాస్ రిలేషన్ షిప్ గురించి చాలా ప్రశ్నలు అడిగాడు బాలయ్య. ప్రభాస్ - క్రితిసనన్ కలిసి మొదటిసారిగా ఆదిపురుష్ సినిమాలో నటిస్తున్నారు. 2023 జూన్ 16వ తేదీన ఈ మూవీ విడుదల అవుతుంది.
