Anirudh- Kavya Wedding: అనిరుధ్ - కావ్య మారన్ పెళ్లి వేడుకకు ప్రధాని మోదీ, రాహుల్ గాంధీ.. అతిథుల లిస్ట్‌ ఇదే!
ఈ వార్తాకథనం ఏంటి
ప్రముఖ సంగీత దర్శకుడు అనిరుధ్ రవిచందర్, సన్‌రైజర్స్ హైదరాబాద్ యజమాని కావ్య మారన్ వివాహ వార్తలు ప్రస్తుతం సినీ, క్రీడా వర్గాల్లో హాట్ టాపిక్‌గా మారాయి. వీరి పెళ్లికి సంబంధించిన వివరాలతో పాటు, వెడ్డింగ్ రిసెప్షన్‌కు హాజరుకానున్న అతిథుల జాబితాపై కూడా ఆసక్తి నెలకొంది. నవంబర్ 21న చెన్నైలో గ్రాండ్‌గా రిసెప్షన్ నిర్వహించనున్నట్లు వార్తలు వస్తున్నాయి. ఈ వేడుకకు దేశంలోని రాజకీయ, సినీ, క్రీడా రంగాలకు చెందిన పలువురు ప్రముఖులను ఆహ్వానిస్తున్నట్లు సమాచారం. ముఖ్యంగా ప్రధానమంత్రి నరేంద్ర మోదీ, కాంగ్రెస్ అగ్రనేత రాహుల్ గాంధీ, సూపర్‌స్టార్ రజినీకాంత్, తమిళ స్టార్ హీరో అజిత్ కుమార్ వంటి ప్రముఖుల పేర్లు అతిథుల జాబితాలో వినిపిస్తున్నాయి.
వివరాలు
రాజకీయ ప్రముఖులకు స్వయంగా ఆహ్వానాలు
కావ్య మారన్ తండ్రి, సన్ గ్రూప్ ఛైర్మన్ కళానిధి మారన్, ఆయన భార్య కావేరి మారన్ స్వయంగా పలువురు ప్రముఖ రాజకీయ నాయకులను కలిసి రిసెప్షన్‌కు ఆహ్వానాలు అందిస్తున్నట్లు తెలుస్తోంది.
ఈ క్రమంలో ప్రధానమంత్రి నరేంద్ర మోదీని కూడా కలిసి వివాహ వేడుకకు ఆహ్వానించారు. కాంగ్రెస్ పార్టీ అగ్రనేతలు సోనియా గాంధీ, రాహుల్ గాంధీ, ప్రియాంక గాంధీ వాద్రాలకు సైతం ఆహ్వానాలు అందించినట్లు సమాచారం.
ఢిల్లీలో సోనియా గాంధీని కళానిధి మారన్, కావేరి మారన్ స్వయంగా కలిసి రిసెప్షన్‌కు ఆహ్వానించారు.
రాజకీయ రంగానికి చెందిన మరికొందరు ప్రముఖులకు కూడా ఆహ్వానాలు పంపినట్లు తెలుస్తోంది.
వివరాలు
రజినీకాంత్, అజిత్ సహా సినీ ప్రముఖులు
తమిళనాడు ముఖ్యమంత్రి దళపతి విజయ్, తెలంగాణ ముఖ్యమంత్రి రేవంత్ రెడ్డి, ఆంధ్రప్రదేశ్ ముఖ్యమంత్రి చంద్రబాబు నాయుడు, తమిళనాడు మాజీ ముఖ్యమంత్రి ఎం.కె. స్టాలిన్, కేంద్ర ఆర్థిక మంత్రి నిర్మలా సీతారామన్ పేర్లు కూడా అతిథుల జాబితాలో వినిపిస్తున్నాయి.
ఈ రిసెప్షన్‌లో సూపర్‌స్టార్ రజినీకాంత్ ప్రత్యేక ఆకర్షణగా నిలవనున్నట్లు సమాచారం. అనిరుధ్‌కు రజినీకాంత్ దగ్గరి బంధువు కూడా. అంతేకాకుండా రజినీకాంత్ నటించిన పలు సినిమాలకు అనిరుధ్ సంగీతం అందించారు.
వీరిద్దరి కాంబినేషన్‌లో వచ్చిన పాటలు అభిమానులను విశేషంగా ఆకట్టుకున్నాయి. దీంతో ఈ వేడుకకు రజినీకాంత్ హాజరు కావడం ఆసక్తికరంగా మారింది.
వివరాలు
నటుడు ధనుష్ కి ఆహ్వానం
తమిళ స్టార్ హీరో అజిత్ కుమార్, ఆయన భార్య శాలిని అజిత్ కుమార్‌లను కూడా రిసెప్షన్‌కు ఆహ్వానించినట్లు తెలుస్తోంది.
వీరితో పాటు లోకనాయకుడు కమల్ హాసన్, ప్రముఖ సంగీత దర్శకుడు ఏఆర్ రెహమాన్ పేర్లు కూడా అతిథుల జాబితాలో వినిపిస్తున్నాయి.
నటుడు ధనుష్, శివకార్తికేయన్, దర్శకుడు నెల్సన్ దిలీప్ కుమార్ వంటి ప్రముఖులకు సైతం ఆహ్వానాలు అందినట్లు సమాచారం.
తమిళ చిత్ర పరిశ్రమకు చెందిన పలువురు నటీనటులు, దర్శకులు ఈ వేడుకలో సందడి చేసే అవకాశం ఉందని తెలుస్తోంది.
వివరాలు
టాలీవుడ్ నుంచి అల్లు అర్జున్‌కు ఆహ్వానం
టాలీవుడ్ నుంచి ఐకాన్ స్టార్ అల్లు అర్జున్, ఆయన భార్య స్నేహా రెడ్డిని కూడా ఈ వెడ్డింగ్ రిసెప్షన్‌కు ఆహ్వానించినట్లు వార్తలు వస్తున్నాయి.
దక్షిణాది చిత్ర పరిశ్రమకు చెందిన మరికొందరు నటీనటులు, దర్శకులు కూడా ఈ వేడుకలో పాల్గొనే అవకాశం ఉందని సమాచారం.
ఇలా రాజకీయ, సినీ, క్రీడా రంగాలకు చెందిన ప్రముఖుల రాకతో చెన్నైలో జరగనున్న ఈ రిసెప్షన్ ప్రత్యేక ఆకర్షణగా నిలవనుందని అంచనా వేస్తున్నారు.
వివరాలు
గ్రీస్‌లో వివాహం.. చెన్నైలో గ్రాండ్ రిసెప్షన్
అనిరుధ్ రవిచందర్, కావ్య మారన్ వివాహం నవంబర్ 10, 11 తేదీల్లో గ్రీస్‌లో జరగనున్నట్లు తెలుస్తోంది.
ఈ వివాహ వేడుకకు ఇరు కుటుంబాలకు చెందిన సభ్యులు, అత్యంత సన్నిహితులు మాత్రమే హాజరవుతారని సమాచారం.
అనంతరం నవంబర్ 21న చెన్నైలో భారీ స్థాయిలో వెడ్డింగ్ రిసెప్షన్ నిర్వహించనున్నట్లు వార్తలు వస్తున్నాయి.
అయితే అనిరుధ్, కావ్య మారన్ వివాహ తేదీలు, పెళ్లి వేదిక, రిసెప్షన్ ఏర్పాట్లు, పూర్తి అతిథుల జాబితాపై ఇరు కుటుంబాల నుంచి ఇంకా అధికారిక ప్రకటన రావాల్సి ఉంది.
ప్రస్తుతం ఈ పెళ్లి, రిసెప్షన్‌కు సంబంధించిన వార్తలు సినీ, రాజకీయ వర్గాల్లో ఆసక్తిని రేకెత్తిస్తున్నాయి.