ఎన్టీఆర్, ప్రశాంత్ నీల్ కాంబో మూవీ: హీరోయిన్ గా ప్రియాంకా చోప్రా?
ఈ వార్తాకథనం ఏంటి
కేజీఎఫ్ దర్శకుడు ప్రశాంత్ నీల్ దర్శకత్వంలో జూనియర్ ఎన్టీఆర్ హీరోగా సినిమా ప్రకటన వచ్చిన సంగతి తెలిసిందే. ప్రస్తుతం తాను చేస్తున్న దేవర షూటింగ్ పూర్తి కాగానే ప్రశాంత్ నీల్ సినిమాలో ఎన్టీఆర్ జాయిన్ అవుతాడు.
ఇటు ప్రశాంత్ నీల్ కూడా సలార్ సినిమాతో బిజీగా ఉన్నాడు. అయితే తాజాగా వినిపిస్తున్న సమాచారం ప్రకారం, ఎన్టీఆర్, ప్రశాంత్ నీల్ కాంబో మూవీలో బాలీవుడ్ భామ ప్రియాంకా చోప్రా హీరోయిన్ గా కనిపించనుందట.
ఈ మేరకు అటు సోషల్ మీడియాలో, ఇటు వెబ్ మీడియాలో వార్తలు వస్తూనే ఉన్నాయి.
ఈ సినిమాలో హీరోయిన్ గా దీపికా పదుకునే, మృణాల్ ఠాకూర్ పేర్లు వినిపించాయి. కానీ ప్రియాంకా చోప్రా కన్ఫామ్ అయినట్లే అని చెబుతున్నారు.
Details
ఇండియా, పాకిస్తాన్ బోర్డర్ నేపథ్యంలో జరిగే కథ
ఇండియా - పాకిస్తాన్ బోర్డర్ నేపథ్యంలో ఈ సినిమా తెరకెక్కనుందని అంటున్నారు. ఆర్ఆర్ఆర్ సినిమాతో హాలీవుడ్ లోనూ ఎన్టీఆర్ క్రేజ్ సంపాదించుకున్నాడు.
ఇటు ప్రియాంకా చోప్రా హాలీవుడ్ సిరీస్, సినిమాల్లో నటిస్తూ ఫామ్ లో ఉంది. వీరిద్దరూ కలిసి నటిస్తే, అది గ్లోబల్ లెవెల్లో సంచలనం అవుతుందని చెప్పవచ్చు. మరి ఈ విషయాలపై క్లారిటీ ఎప్పుడు వస్తుందో చూడాలి.
అదలా ఉంచితే, ప్రశాంత్ నీల్ తో సినిమా తర్వాత బాలీవుడ్ లో రూపొందే వార్ 2 సినిమాలో హృతిక్ రోషన్ తో కలిసి ఎన్టీఆర్ కనిపించనున్నారు. ఈ సినిమాకు బాలీవుడ్ దర్శకుడు అయాన్ ముఖర్జీ దర్శకత్వం వహిస్తున్నారు.