ప్రాజెక్ట్ కె: మహావిష్ణు అవతారంలో ప్రభాస్?
ఈ వార్తాకథనం ఏంటి
ప్రభాస్ - నాగ్ అశ్విన్ కాంబినేషన్ లో రూపుదిద్దుకుంటున్న సైన్స్ ఫిక్షన్, ప్రాజెక్ట్ కె మూవీకి సంబంధించి ఇప్పటి వరకు రెండు మూడు పోస్టర్లు విడుదలయ్యాయి.
ఈ పోస్టర్ల ద్వారా సినిమా కథేంటన్నది కొంచెం కూడా అర్థం కాలేదు. అందుకే ఈ సినిమా కథ విషయంలో అందరికీ ఆసక్తి ఉంది. తాజాగా చిత్ర నిర్మాత అశ్వనీదత్ మాట్లాడుతూ, కొన్ని విశేషాలు పంచుకున్నారు.
ప్రాజెక్ట్ కె మూవీ, ఒక కల్పిత కథగా రూపొందుతుందనీ, సైన్స్ ఫిక్షన్ జోనర్ లో తెరకెక్కుతోన్న ఈ తరం శ్రీ విష్ణు అవతారానికి సంబంధించిన కథగా ఉంటుందని చెప్పుకొచ్చారు.
అంతేకాదు, ఈ సినిమాలో మంచి ఎమోషన్ ఉంటుందనీ, అది అందరికీ నచ్చుతుందని అన్నారు అశ్వనీదత్.
ప్రాజెక్ట్ కె
అమితాబ్, దీపికాల షూటింగ్ పూర్తి
ప్రాజెక్ట్ కె మూవీ షూటింగ్ చాలా వేగంగా జరుగుతోందనీ, మరికొద్ది రోజుల్లో చిత్రీకరణ పూర్తవుతుందనీ, కాకపోతే పోస్ట్ ప్రొడక్షన్ పనులకు చాలా సమయం పడుతుందని తెలిపారు.
అమితాబ్ బచ్చన్, దీపికా పదుకునే.. ఇద్దరి షూటింగ్ చివరి దశకు వచ్చేసిందనీ, మరికొద్ది రోజులో పూర్తయి పోతుందని అన్నారు.
ఐతే ఇదంతా పక్కన పెట్టేస్తే ప్రస్తుతం ప్రభాస్ పాత్ర గురించే ఎక్కువ డిస్కషన్ జరుగుతోంది. ఎందుకంటే అటు ఆల్రెడీ ఆదిపురుష్ సినిమాలో రామవతారం లో కనిపిస్తున్నాడు ప్రభాస్.
ఇప్పుడు ప్రాజెక్ట్ కె లో ఆధునిక విష్ణువు అవతారంలో కనిపిస్తున్నాడని వినబడడం అందరికీ ఆసక్తిని కలిగిస్తోంది. 2024 జనవరి 12వ తేదీన ప్రాజెక్ట్ కె విడుదల అవుతుంది.