అన్ స్టాపబుల్: 2మిలియన్ల ట్రాఫిక్ అంచనాతో పవన్ కళ్యాణ్ ఎపిసోడ్ కి భారీ బందోబస్త్
ఈ వార్తాకథనం ఏంటి
అన్ స్టాపబుల్ టాక్ షోలో పవన్ కళ్యాణ్ ఎపిసోడ్ ఈరోజు రాత్రి 9గంటలకు రిలీజ్ కానుంది. ప్రోమో ఆసక్తికరంగా ఉండడంతో పవన్ అభిమానులంతా ఎపిసోడ్ కోసం ఆత్రంగా ఎదురుచూస్తున్నారు.
ఐతే పవన్ కళ్యాణ్ ఎపిసోడ్ రిలీజ్ చేస్తున్న తరుణంలో సర్వ సైన్యాన్ని సిద్ధంగా ఉంచుకుంది ఆహా టీమ్. ప్రభాస్ ఎపిసోడ్ రిలీజ్ అయినపుడు జరిగిన ఇబ్బందులు ఈసారి తలెత్తవద్దని సన్నాహాలు చేసినట్లు తెలుస్తోంది.
ప్రభాస్ ఎపిసోడ్ రిలీజ్ అయినపుడు ఎక్కువ ట్రాఫిక్ రావడంతో ఆహా సర్వర్ క్రాష్ అయ్యింది. కొన్నిగంటల పాటు అసలు సర్వర్ పనిచేయకుండా పోయింది. ఆహా టీమ్, మీడియా ముందుకు వచ్చి అందరికీ సర్దిచెప్పాల్సి వచ్చింది.
పవన్ ఎపిసోడ్ కి కూడా అలా జరుగుతుందేమోనని ముందుగానే జాగ్రత్త చర్యలు చేపట్టింది.
అన్ స్టాపబుల్
2మిలియన్ల కంటే ఎక్కువ ట్రాఫిక్ వచ్చినా తట్టుకునే సర్వర్లు
పవన్ ఎపిసోడ్ కి 2మిలియన్ల ట్రాఫిక్ వస్తుందని ఆహా టీమ్ అంచనా వేస్తున్నట్లు తెలుస్తోంది. అంతకంటే ఎక్కువ వచ్చే అవకాశం ఉండడంతో బ్యాకప్ సర్వర్లను సిద్ధం చేసింది ఆహా.
మరి ఈరోజు రాత్రి 9గంటలకు ఏం జరుగుతుందో చూడాలి. ఈ ఎపిసోడ్ లో పవన్ కళ్యాణ్ అంతరంగం ఆవిష్కృతం అవుతుందని అందరూ ఆశిస్తున్నారు.
పవన్ పై రాజకీయాల్లో వచ్చిన విమర్శలు, సినిమాల్లో స్టార్ స్టేటస్ తో కలిగిన ఒత్తిడి, వ్యక్తిగత జీవితంలోని మూడు పెళ్ళిళ్ళపై విమర్శలు వంటి విషయాలపై పవన్ కళ్యాణ్ అంతరంగం తెలుస్తుందని ప్రోమో చూస్తే అర్థమవుతుంది.
పవన్ ఎపిసోడ్ లోని మొదటి భాగం మాత్రమే ఈరోజు రిలీజ్ అవుతుంది. రెండవ భాగాన్ని ఎప్పుడు రిలీజ్ చేస్తారో ఇంకా తెలియదు.