పుష్ప 2 నుండి సాలిడ్ అప్డేట్: రిలీజ్ డేట్ ఇచ్చేసారు
పుష్ప సినిమాతో ప్యాన్ ఇండియా లెవెల్లో అల్లు అర్జున్ స్టామినా ఏంటో అందరికీ తెలిసిపోయింది. అందుకే ప్రస్తుతం పుష్ప 2 కోసం అభిమానులు అందరూ ఎంతగానో ఎదురుచూస్తున్నారు. పుష్ప 2 ఎప్పుడు విడుదలవుతుందనే విషయంపై ఇప్పటివరకు చిత్రబృందం ఎలాంటి క్లారిటీ ఇవ్వలేదు. తాజాగా పుష్ప 2 రిలీజ్ తేదీని చిత్ర నిర్మాణ సంస్థ మైత్రీ వీ మేకర్స్ ప్రకటించింది. పుష్ప 2 సినిమాను 2024 ఆగస్టు 15వ తేదీన విడుదల చేయనున్నట్లు అధికారికంగా ప్రకటించారు. అంటే పుష్ప 2 సినిమా కోసం దాదాపు ఇంకో సంవత్సరం ఎదురుచూడాలన్నమాట.
పుష్ప 2 లో హుక్ స్టెప్స్
పుష్ప 1 ది రైజ్ మూవీ 2021 డిసెంబర్ 17వ తేదీన రిలీజైంది. ఇప్పుడు పుష్ప 2 మూవీ 2024 ఆగస్టు 15వ తేదీన రిలీజ్ కాబోతుంది. అంటే, పార్ట్ 2 కోసం మూడేళ్ళ సమయం అవుతుంది. అయితే పుష్ప ది రైజ్ సినిమాను మించిన యాక్షన్ సీక్వెన్సులు పుష్ప 2 లో ఉండబోతున్నాయట. ప్యాన్ ఇండియా రేంజ్ లో అందర్నీ అలరించే విధంగా పుష్ప 2 సినిమాను రూపొందిస్తున్నారట. అటు పాటలు కూడా అదిరిపోయేలా ఉండబోతున్నాయని సమాచారం అందుతోంది. పుష్ప మాదిరిగా ఇందులోనూ హుక్ స్టెప్స్ ఉండనున్నాయని అంటున్నారు. దేవిశ్రీ ప్రసాద్ సంగీతం అందిస్తున్న ఈ సినిమాలో రష్మిక మందన్న హీరోయిన్ గా నటిస్తోంది.
