అల్లు అర్జున్ పుష్ప 2 రిలీజ్ డేట్ ఫిక్స్? ఎప్పుడు రిలీజ్ అవుతుందంటే?
నిన్నటి నుండి సోషల్ మీడియాలో పుష్ప సినిమా గురించి చర్చ ఎక్కువగా జరుగుతోంది. 69వ జాతీయ చలనచిత్ర అవార్డుల్లో పుష్ప సినిమాకు గాను అల్లు అర్జున్ ఉత్తమ నటుడిగా ఎంపిక కావడమే దానికి కారణం. పుష్ప 1 సినిమాలో అల్లు అర్జున్ నటనకు దేశం మొత్తం దాసోహమైపోయింది. అందులో ఆయన మేనరిజమ్స్ ని ప్రపంచ సెలెబ్రిటీలు ఇమిటేట్ చేసారు. అయితే ప్రస్తుతం ప్రతీ ఒక్కరూ పుష్ప 2 సినిమా గురించి ఎంతగానో ఎదురుచూస్తున్నారు. తాజాగా పుష్ప 2 విడుదల తేదీ గురించి ఆసక్తికరమైన అంశం ఇంటర్నెట్ లో వైరల్ అవుతోంది.
డిస్ట్రిబ్యూటర్లకు విడుదల తేదీని వెల్లడి చేసిన నిర్మాతలు?
పుష్ప 2 విడుదల తేదీని మేకర్స్ ఫిక్స్ చేసారని అంటున్నారు. 2024 మార్చ్ 22వ తేదీన పుష్ప 2 సినిమాను విడుదల చేయాలని నిర్మాతలు ఫిక్స్ అయ్యారని అంటున్నారు. ఈ మేరకు డిస్ట్రిబ్యూటర్లకు సమాచారం ఇచ్చారని చెబుతున్నారు. ప్రస్తుతానికి ఈ విషయం ఎలాంటి అధికారిక సమాచారం రాలేదు. పుష్ప 2 సినిమాలో రష్మిక మందన్న హీరోయిన్ గా నటిస్తోంది. మలయాళం నటుడు ఫాహద్ ఫాజిల్ విలన్ గా కనిపిస్తున్న పుష్ప 2 సినిమాకు దేవి శ్రీ ప్రసాద్ సంగీతం అందిస్తున్నారు. మైత్రీ మూవీ మేకర్స్ నిర్మిస్తున్న ఈ సినిమాను క్రియేటివ్ డైరెక్టర్ సుకుమార్ తెరకెక్కిస్తున్నారు.
