అఖిల్ కోసం రంగంలోకి దిగిన దర్శకధీరుడు రాజమౌళి.. హిట్ సినిమా కోసం అభిమానుల నిరీక్షణ
ఈ వార్తాకథనం ఏంటి
అక్కినేని అఖిల్ కొత్త సినిమాపై ఆసక్తికర విషయం తెలిసింది. యూవీ చిత్ర నిర్మాణంలో అనిల్ దర్శకత్వంలో ఓ సినిమా తెరకెక్కుతోంది.
అయితే ఈ సినిమా స్క్రిప్ట్ పనుల కోసం దర్శకధీరుడు రాజమౌళి, ఆయన కుమారుడు కార్తికేయ సహకారం తీసుకోనున్నారని సమాచారం.
ఈ మేరకు రాజమౌళి అఖిల్ చిత్రం స్క్రిప్ట్ ను సరిదిద్దే పనిలో నిమగ్నమయ్యారని ఇండస్ట్రీలో ప్రచారం జరుగుతోంది.
అక్కినేని యువనటుడు అఖిల్ కి క్రేజ్ ఎంత ఉన్నా, ఎంత కష్టపడి పనిచేసినా ఒక్క హిట్ కూడా ఇప్పటివరకు సాధించలేకపోయాడు.
రాజమౌళి హస్తవాసితో ఈసారైనా తమ హీరో హిట్ కొడతారమోనని అక్కినేని ఫ్యాన్స్ ఉత్కంఠతో ఎదురుచూస్తున్నారు.
DETAILS
మోస్ట్ ఎలిజిబుల్ బ్యాచిలర్ పర్వాలేదనిపించినా కమర్షియల్ హిట్ దక్కలేదు.
అఖిల్, తొలి సినిమా 'అఖిల్' పేరిట తీసినా పరాజయం పాలై నిరాశే మిగిల్చింది. అనంతరం వచ్చిన హల్లో, మిస్టర్ మజ్ను కూడా మోస్తరుగానే నిలిచాయి.
మోస్ట్ ఎలిజిబుల్ బ్యాచిలర్ చిత్రం పర్వాలేదనిపించినా కమర్షియల్ హిట్ మాత్రం దక్కలేదు.
ఈ క్రమంలోనే భారీ అంచనాలతో, కేరళ స్టార్, మమ్ముట్టితో కలిసి స్పై యాక్షన్ థ్రిల్లర్ ఏజెంట్ సినిమా రూపొందించారు.
అఖిల్ మార్కెట్ కి దాదాపుగా 5 రెట్ల భారీ బడ్జెట్ తో రూపొందిన సినిమాకు సురేందర్ రెడ్డి దర్శకత్వం వహించారు.
ఏజెంట్ రిలీజ్ కి ముందు భారీ అంచనాలున్నా, సినిమా మాత్రం తేలిపోయింది. ఈ క్రమంలోనే అక్కినేని ఫ్యాన్స్ మరోసారి డీలా పడ్డారు.
అఖిల్ కొత్త సినిమాకు రాజమౌళి రంగంలోకి దిగడంతో అంచనాలు ఊపందుకున్నాయి.