ఆర్ఆర్ఆర్ దర్శకుడికి అరుదైన గౌరవం: ISBC ఛైర్మన్ గా నియామకం
ఈ వార్తాకథనం ఏంటి
తెలుగు సినిమా స్థాయిని పెంచిన దర్శకులలో రాజమౌళి పేరు ప్రముఖంగా ఉంటుంది. ప్రస్తుతం ప్రపంచం తెలుగు సినిమా గురించి మాట్లాడుతుందంటే దానికి కారణం రాజమౌళి.
బాహుబలి, ఆర్ఆర్ఆర్ చిత్రాల ద్వారా తెలుగు సినిమా ఖ్యాతిని ప్రపంచ వ్యాప్తంగా ఎగరవేసాడు. ఎప్పుడూ సినిమాలతో బిజీగా ఉండే రాజమౌళి, తాజాగా ISBC ఛైర్మన్ గా నియమించబడ్డారు.
ISBC అంటే ఇండియన్ స్కూల్స్ బోర్డ్ ఫర్ క్రికెట్. గ్రామీణ ప్రాంతాల్లో నివసించే పిల్లలు క్రికెట్ లో నైపుణ్యం కనబరిస్తే వారికి శిక్షణ ఇచ్చేందుకు ISBCని మొదలెట్టారు.
మాజీ క్రికెటర్ దిలీప్ వెంగ్ సర్కార్ గైడెన్స్ కారణంగా ISBC మొదలైంది.
Details
25కోట్ల మందిని ప్రోత్సహిస్తున్న ISBC
ISBCలో భాగంగా ప్రతిభ ఉన్న పిల్లలను ప్రోత్సహిస్తారు. వివిధ రకాల టోర్నమెంట్లు పెట్టి ప్రతిభను వెలికి తీసి ఉత్తమ శిక్షణ అందిస్తారు. ఇలా దాదాపు 25కోట్ల మంది పిల్లలను ISBCప్రోత్సహిస్తోంది.
ప్రస్తుతం ISBC ఛైర్మన్ గా రాజమౌళిని నియమించారు. ఈ విషయమై మాట్లాడిన రాజమౌళి, తాను చిన్నప్పుడు క్రికెట్ ఎక్కువగా ఆడేవాడిననీ, క్రికెట్ అంటే తనకు చాలా ఇష్టమని, స్కూల్ డేస్ లో రోజూ ఆడేవాడినని చెప్పుకొచ్చాడు.
అదలా ఉంచితే, రాజమౌళి ప్రస్తుతం మహేష్ బాబుతో సినిమా చేయడానికి సిద్ధమవుతున్నాడు. ప్రస్తుతం స్క్రిప్టు పనులు జరుగుతున్నాయని సమాచారం. మహేష్ బాబు పుట్టినరోజున(ఆగస్టు 9) ఈ సినిమా ప్రకటన వెలువడే అవకాశం ఉంది.