హృతిక్ రోషన్ పై కామెంట్లకు 14ఏళ్ళ తర్వాత రాజమౌళి వివరణ
ఈ వార్తాకథనం ఏంటి
రాజమౌళి గురించి ఎంత చెప్పుకున్నా తక్కువే. ఇండియన్ సినిమాను ప్రపంచ స్థాయికి తీసుకెళ్ళిన ఘనుడు.
ప్రస్తుతం ఆర్ఆర్ఆర్ ఆస్కార్ ప్రచార కార్యక్రమాల్లో ఉన్నాడు రాజమౌళి. ఈ నేపథ్యంలో గతంలో తాను చేసిన కొన్ని వ్యాఖ్యలపై వివరణ ఇచ్చాడు.
అప్పుడెప్పుడో బిల్లా సినిమా రిలీజ్ అయిన సందర్భంగా రాజమౌళి కొన్ని కామెంట్లు చేసాడు. బిల్లా సినిమా ట్రైలర్, పాటలు చూసానని, హాలీవుడ్ స్థాయి
విజువల్స్ బిల్లాలో ఉన్నాయని, ఈ మధ్య ధూమ్ 2 సినిమా చూసినపుడు అలాంటి సినిమాలు తెలుగులో ఎందుకు రావా అని ఆలోచించానని, కానీ బిల్లా చూసాక ఆ బాధ తీరిందని, ప్రభాస్ ముందు హృతిక్ రోషన్ చాలా తక్కువే అన్నట్లు మాట్లాడాడు రాజమౌళి.
ఆర్ఆర్ఆర్
14ఏళ్ల తర్వాత తన మాటలను వెనక్కి తీసుకున్నా రాజమౌళి
2009లో హృతిక్ పై రాజమౌళి చేసిన కామెంట్లు, ఈ మధ్య ఇంటర్నెట్ లో వైరల్ అయ్యాయి. దాంతో తన మాటలపై వివరణ ఇచ్చాడు రాజమౌళి.
2009లో మాట్లాడిన తన మాటలు సరైనవి కావని, అప్పట్లో ఆ సందర్భంలో వచ్చిన మాటలని, హృతిక్ రోషన్ గొప్ప నటుడని చెప్పుకొచ్చారు. మొత్తానికి తనపై వచ్చిన వివాదానికి ఫుల్ స్టాప్ పెట్టాడు.
ప్రస్తుతం రాజమౌళి, అమెరికాలో ఉన్నాడు. క్రిటిక్స్ ఛాయిస్ అవార్డ్స్ ప్రధానోత్సవాల్లో బెస్ట్ ఫారెన్ లాంగ్వేజ్ విభాగంలో ఉత్తమ చిత్రంగా ఎంపికైంది ఆర్ఆర్ఆర్. ఆ అవార్డ్ అందుకున్న రాజమౌళి, చాలా ఎమోషనల్ అయ్యాడు.
అవార్డ్ ప్రధానోత్సవంలో మాట్లాడుతూ, తన జీవితంలోని మహిళలందరికీ దన్యవాదాలు తెలియజేసాడు. బెస్ట్ సాంగ్ విభాగంలోనూ నాటు నాటు పాటకు అవార్డ్ లభించింది.