రాఖీ పండగ: అన్నాచెల్లెళ్ళు, అక్కాతమ్ముళ్ళు మధ్య అనుబంధాన్ని గుర్తు చేసే తెలుగు పాటలు
ఈ వార్తాకథనం ఏంటి
రాఖీ.. అక్కా తమ్ముడు అన్నాచెల్లి మధ్య అమితమైన అనుబంధాన్ని పెంచుతుంది.
రాఖీ.. నీకు తోడబుట్టిన వాడిగా నేను ఎప్పుడూ నీకు రక్షణగా ఉంటానని అక్కా చెల్లెలకు తెలియజేస్తుంది.
అందుకే రాఖీ పండగ అందరికీ చాలా ప్రత్యేకమైనది. సోదరీ సోదరీమణుల కోసం ప్రత్యేకంగా పండగ ఉండడమనేది చాలా పెద్ద విషయం.
రాఖీ పండగ రోజున సోదరుడికి రాఖీ కట్టడానికి సోదరి ఎంత దూరం నుండి అయినా వస్తుంది . కొన్నిసార్లు కొన్ని కారణాలవల్ల రాలేకపోయినా కూడా పెరిగిన టెక్నాలజీ వల్ల రాఖీ పండుగను జరుపుకునే అవకాశం ఉంది.
రాఖీ పండగ రోజున మీరు మీ సోదరుడికి, సోదరికి దూరంగా ఉన్నట్లయితే తెలుగు సినిమాలోని ఈ పాటల ద్వారా మీ అనుబంధాన్ని గుర్తు చేసుకోండి.
Details
సోదర సోదరీమణుల అనుబంధాన్ని గుర్తు చేసే పాటలు
అందాల పసిపాప:
చిట్టి చెల్లెలు సినిమాలోని, అందాల పసిపాప.. అన్నయ్యకు కనుపాప, బజ్జోవే బుజ్జాయి నేనున్నది నీ కొరకే అనే పాట అన్నాచెల్లెళ్ల మధ్య అనుబంధం ఎలాంటిదో గుర్తుచేస్తుంది. ఈ పాట వీడియో చూస్తున్నప్పుడు మీకు మీ సోదరుడు, సోదరి కచ్చితంగా గుర్తొస్తారు.
అన్నయ్య అన్నావంటే ఎదురవనా:
పవర్ స్టార్ పవన్ కళ్యాణ్ నటించిన అన్నవరం సినిమాలోని, అన్నయ్యా అన్నావంటే ఎదురవనా పాట చాలా ఫేమస్. అమ్మలో మొదటి సగం అక్షరం నేనే, నాన్నలో రెండో సగం లక్షణం నేనే అనే పదాలు మనసుకు హత్తుకుంటాయి.
Details
అన్నా చెల్లెలి అనుబంధంపై జానపద గేయం
అన్నా చెల్లెలి అనుబంధం:
గోరింటాకు సినిమాలో రాజశేఖర్, మీరాజాస్మిన్ అన్నాచెల్లెలిగా కనిపించారు. ఈ సినిమాలోని అన్నా చెల్లెలి అనుబంధం జన్మజన్మల సంబంధం అనే పాట చాలా బాగుంటుంది. రాఖీ పండగ రోజున ఈ పాటను ఒకసారి వినండి.
మరుమల్లి జాబిల్లి:
బాలకృష్ణ నటించిన లక్ష్మీ నరసింహా సినిమాలోని మరుమల్లి జాబిల్లి ఒకటైతే మా చెల్లి అనే పాట మిమ్మల్ని ఆకట్టుకుంటుంది.
రంగు మెరుపుతో వచ్చే రాఖీల పండుగ:
అన్నాచెల్లెలి అనుబంధం మీద జానపద గేయాలు కూడా ఉన్నాయి. అందులో రంగు మెరుపుతో వచ్చే రాఖీల పండగ, దూరదేశం పోయిన మా అన్న చంద్రుడా అంటూ సాగే పాట అన్నా చెల్లెల మధ్య అనుబంధాన్ని బాగా చూపిస్తుంది.