RC16: మైసూరులో రామ్ చరణ్ తొలి షెడ్యూల్ ప్రారంభం
ఈ వార్తాకథనం ఏంటి
గ్లోబల్ స్టార్ రామ్ చరణ్ తన తదుపరి సినిమా 'RC16' కోసం రంగంలోకి దిగాడు.
ఇప్పటికే 'గేమ్ ఛేంజర్' చిత్రాన్ని రామ్ చరణ్ పూర్తి చేశాడు. ఉత్తరాంధ్ర నేపథ్యంలో పీరియాడికల్ వాతావరణంలో లాజికల్ స్పోర్ట్స్ యాక్షన్ డ్రామాగా ఈ చిత్రం రూపొందనుంది.
ఉప్పెన చిత్రానికి దర్శకత్వం వహించిన బుచ్చిబాబు ఈ చిత్రానికి దర్శకత్వం వహిస్తున్నారు. ఈ సినిమా మొదటి షెడ్యూల్‌ను కర్ణాటకలోని మైసూరులో ప్రారంభించారు.
మైసూరులోని చాముండేశ్వరి ఆలయంలో ప్రత్యేక పూజలు నిర్వహించి, స్క్రిప్ట్‌ను అమ్మవారి చెంత ఉంచి షూటింగ్ మొదలు పెట్టారు. ఈ షెడ్యూల్ 15 రోజులు పాటు నిరంతరాయంగా సాగనుంది.
Details
హీరోయిన్ గా జాన్వీ కపూర్
ఈ షెడ్యూల్‌లో పాల్గొనడానికి హైదరాబాదులో నుండి మైసూర్ ఇప్పటికే రామ్ చరణ్ బయలుదేరారు.
ఈ చిత్రంలో బాలీవుడ్ బ్యూటీ జాన్వీ కపూర్ హీరోయిన్‌గా నటిస్తోంది. ఇక ఎ.ఆర్. రెహమాన్ సంగీతం అందిస్తుండగా, టాలీవుడ్ సీనియర్ నటుడు జగపతి బాబు కీలక పాత్రలో కనిపించనున్నాడు.
ఈ చిత్రం రెండవ షెడ్యూల్ హైదరాబాద్‌లోని రామోజీ ఫిల్మ్ సిటీలో జరగనుంది.
ఈ చిత్రాన్ని మైత్రీ మూవీస్ బ్యానర్‌పై సుకుమార్ రైటింగ్స్, సతీష్ కిలారు వృద్ధి సినిమాస్‌తో కలిసి భారీ బడ్జెట్‌లో నిర్మిస్తున్నారు.