Ram Chanran: రామ్ చరణ్ #RC17 పూజా కార్యక్రమం వాయిదా.. కొత్త ముహూర్తం ఎప్పుడంటే?
ఈ వార్తాకథనం ఏంటి
'ఆర్ఆర్ఆర్' సినిమాతో గ్లోబల్ స్టార్‌గా గుర్తింపు తెచ్చుకున్న మెగా పవర్ స్టార్ రామ్ చరణ్ తదుపరి చిత్రాలపై ప్రేక్షకుల్లో భారీ అంచనాలు నెలకొన్నాయి. ఆయన నటించనున్న 17వ సినిమా (#RC17) కోసం అభిమానులు ఆసక్తిగా ఎదురుచూస్తున్నారు. ఈ నేపథ్యంలో ఈ ప్రతిష్టాత్మక ప్రాజెక్ట్‌కు సంబంధించిన ఓ తాజా వార్త ప్రస్తుతం నెట్టింట వైరల్‌గా మారింది. ముందుగా అనుకున్న షెడ్యూల్ ప్రకారం ఈ సినిమా పూజా కార్యక్రమాలు రేపు ఘనంగా జరగాల్సి ఉంది. అయితే, తాజాగా ఈ కార్యక్రమం వాయిదా పడినట్లు సమాచారం.
వివరాలు
ముహూర్తం కుదరకపోవడమే కారణమా?
రామ్ చరణ్ కొత్త సినిమాకు సంబంధించిన లాంచ్ ఈవెంట్ వాయిదా పడటానికి సరైన ముహూర్తం కుదరకపోవడమే కారణమని ఇండస్ట్రీ వర్గాల్లో టాక్ వినిపిస్తోంది.
భారీ బడ్జెట్‌తో పాటు భారీ అంచనాల నడుమ తెరకెక్కనున్న ఈ ప్రతిష్టాత్మక ప్రాజెక్ట్ ప్రారంభోత్సవం విషయంలో మేకర్స్ ఎంతో జాగ్రత్తగా వ్యవహరిస్తున్నట్లు తెలుస్తోంది.
రేపు అనుకున్న సమయానికి తగిన శుభ ఘడియలు లేకపోవడంతోనే పూజా కార్యక్రమాలను వాయిదా వేసినట్లు ప్రచారం జరుగుతోంది.
వివరాలు
అక్టోబర్ 25 తర్వాత కొత్త ముహూర్తం?
తాజా సమాచారం ప్రకారం.. వాయిదా పడిన #RC17 సినిమా పూజా కార్యక్రమాలను అక్టోబర్ 25వ తేదీ తర్వాత నిర్వహించేందుకు సన్నాహాలు చేస్తున్నట్లు తెలుస్తోంది.
పండితుల సూచనల మేరకు అనువైన శుభ ముహూర్తాన్ని ఖరారు చేసి, ఆ రోజున సినిమాను లాంఛనంగా ప్రారంభించాలని మేకర్స్ భావిస్తున్నట్లు సమాచారం.
అయితే పూజా కార్యక్రమాల వాయిదా, కొత్త ప్రారంభోత్సవ తేదీకి సంబంధించి ఇప్పటివరకు అధికారిక ప్రకటన వెలువడలేదు.
త్వరలోనే ఈ ప్రాజెక్ట్‌లో నటించనున్న నటీనటులు, పనిచేయనున్న సాంకేతిక నిపుణుల వివరాలతో పాటు కొత్త ముహూర్తం తేదీని కూడా వెల్లడించే అవకాశం ఉంది. అప్పటివరకు మెగా అభిమానులు మరికొన్ని రోజులు వేచి చూడాల్సిందే.