Ram Charan: రామ్ చరణ్ కి 'నేను - మీ బ్రహ్మానందం' బుక్ అందించిన కామెడీ కింగ్
గ్లోబల్ మెగా పవర్ స్టార్ రామ్ చరణ్, కియారా అద్వానీ నటిస్తున్న యాక్షన్,పొలిటికల్ డ్రామా గేమ్ ఛేంజర్. శంకర్(Shankar) దర్శకత్వంలో పాన్ ఇండియా ప్రాజెక్టుగా తెరకెక్కుతున్న ఈ సినిమా నుండి ఇప్పటిదాకా ఒక్క పోస్టర్ తప్ప ఎలాంటి అప్డేట్ లేదు. కామెడీ కింగ్ బ్రహ్మానందం గేమ్ ఛేంజర్లో అతిధి పాత్రలో నటించనున్నారు. గేమ్ ఛేంజర్ సెట్స్ నుంచి చరణ్.. బ్రహ్మానందంతో కలిసి దిగిన ఫొటో పోస్ట్ చేశాడు. 'నేను-మీ బ్రహ్మానందం' అనే పేరుతో తన ఆత్మకథని పుస్తక రూపంలో తీసుకొచ్చారు బ్రహ్మానందం.
'నేను-మీ బ్రహ్మానందం' బుక్ ను ఆవిష్కరించిన చిరంజీవి
ఈ పుస్తకంలో బ్రహ్మానందం తన చిన్నప్పటి కష్టాలు, సినిమాలు, ఫ్యామిలీ గురించి రాసుకొచ్చారు . ఈ బుక్ ను చిరంజీవి ఆవిష్కరించారు. ప్రస్తుతం ఈ పుస్తకాన్ని బ్రహ్మానందం గేమ్ ఛేంజర్ సెట్లో రామ్ చరణ్ కి అందించారు. దీంతో బ్రహ్మానందం అందించిన బుక్ ఫొటోని చరణ్ తన సోషల్ మీడియాలో షేర్ చేసి.. బ్రహ్మానందం గారి అద్భుతమైన జీవిత ప్రయాణాన్ని 'నేను' పుస్తకంలో చాలా హాస్యంగా, హృదయానికి హత్తుకునేలా రాశారు. ఈ పుస్తకంలోని పేజీలు ఆయన మనకు అందించిన హాస్యం, జీవిత పాఠాలు.. అన్నిటిని చూపిస్తాయి. ఈ పుస్తకాన్ని అమెజాన్ లో ఆర్డర్ చేసుకోండి. అని పోస్ట్ చేశారు. దీంతో ఈ ట్వీట్ వైరల్ గా మారింది.