స్కంద రిలీజ్ డేట్: సలార్ విడుదల తేదీకి వస్తున్న రామ్ పోతినేని
రామ్ పోతినేని, శ్రీలీల హీరో హీరోయిన్లుగా బోయపాటి శ్రీను దర్శకత్వంలో రూపొందుతున్న చిత్రం స్కంద. రామ్ పోతినేని కెరీర్ లో మొట్టమొదటి పాన్ ఇండియా సినిమాగా రూపొందుతున్న ఈ చిత్ర విడుదల తేదీని తాజాగా ప్రకటించారు. నిజానికి ఈ సినిమా సెప్టెంబర్ 15వ తేదీన విడుదల కావాల్సి ఉంది. కానీ కొన్ని కారణాలవల్ల స్కంద సినిమాను సెప్టెంబర్ 28వ తేదీన విడుదల చేస్తున్నారు. ఈ మేరకు చిత్రబృందం అధికారికంగా ప్రకటించింది. ప్రభాస్ హీరోగా నటిస్తున్న సలార్ మూవీ సెప్టెంబర్ 28వ తేదీ నుండి తప్పుకున్నట్లు వార్తలు రావడంతో స్కంద సినిమా బృందం ఆ తేదీని తీసేసుకుంది. శ్రీనివాస సిల్వర్ స్క్రీన్ బ్యానర్ పై రూపొందుతున్న స్కంద సినిమాకు థమన్ సంగీతం అందిస్తున్నారు.
