Ramayana Movie Box Office Collection: బాక్సాఫీస్ వద్ద 'రామాయణ' విధ్వంసం.. నాలుగు రోజుల్లోనే రూ.500 కోట్లకు చేరువ!
ఈ వార్తాకథనం ఏంటి
బాలీవుడ్‌లో అత్యంత ప్రతిష్ఠాత్మకంగా, భారీ బడ్జెట్‌తో తెరకెక్కిన పౌరాణిక చిత్రం 'రామాయణ' బాక్సాఫీస్ వద్ద సంచలనాలు సృష్టిస్తోంది. విడుదలైన నాలుగు రోజుల్లోనే ప్రపంచవ్యాప్తంగా రూ.500 కోట్ల వసూళ్లకు చేరువైంది. ప్రేక్షకుల నుంచి విశేష స్పందన రావడంతో సినిమా విజయవంతంగా ప్రదర్శితమవుతోంది. ముఖ్యంగా దీపావళి పర్వదినం సందర్భంగా ఈ చిత్రానికి భారీ వసూళ్లు నమోదయ్యాయి.
వివరాలు
దీపావళి రోజున రూ.56 కోట్లకు పైగా వసూల్లు
దీపావళి పండుగ, ఆదివారం ఒకేరోజు రావడంతో 'రామాయణ'కు బాక్సాఫీస్ వద్ద అనూహ్య స్పందన లభించింది.
సినిమా విడుదలైన నాలుగో రోజైన దీపావళి నాడు ఒక్కరోజే భారత్‌లో రూ.56.15 కోట్ల నెట్‌ వసూళ్లను సాధించింది.
దీంతో 2023లో సల్మాన్‌ ఖాన్‌ నటించిన 'టైగర్‌ 3' దీపావళి రోజున సాధించిన రూ.44.50 కోట్ల రికార్డును అధిగమించింది.
ఇప్పటివరకు దీపావళి పండుగ సందర్భంగా బాలీవుడ్‌లో అత్యధిక వసూళ్లు సాధించిన చిత్రంగా అగ్రస్థానంలో నిలిచింది.
వివరాలు
నాలుగు రోజుల్లో భారత్‌లో రూ.238 కోట్ల కలెక్షన్లు
'రామాయణ' దేశీయ బాక్సాఫీస్ వసూళ్లను పరిశీలిస్తే.. తొలి రోజు రూ.64.85 కోట్లు, రెండో రోజు రూ.48.05 కోట్లు, మూడో రోజు రూ.69.80 కోట్లు, నాలుగో రోజు రూ.56.15 కోట్ల నెట్‌ వసూళ్లు సాధించింది.
దీంతో నాలుగు రోజుల్లో భారత్‌లో మొత్తం నెట్‌ కలెక్షన్లు రూ.238.85 కోట్లకు చేరాయి. గ్రాస్‌ వసూళ్లు రూ.285.20 కోట్లుగా నమోదయ్యాయి.
'ఆదిపురుష్‌' రికార్డు కూడా బద్దలు
గతంలో ప్రభాస్‌ కథానాయకుడిగా నటించిన 'ఆదిపురుష్‌' సినిమా తొలి నాలుగు రోజుల్లో రూ.237 కోట్ల నెట్‌ వసూళ్లు సాధించింది.
అయితే 'రామాయణ' కేవలం నాలుగు రోజుల్లోనే ఆ మార్కును అధిగమించి కొత్త రికార్డు సృష్టించింది.
వివరాలు
ప్రపంచవ్యాప్తంగా రూ.499 కోట్ల వసూల్లు
దేశీయ మార్కెట్‌తో పాటు ఓవర్సీస్‌లోనూ 'రామాయణ'కు మంచి స్పందన లభిస్తోంది. విదేశాల్లో ఈ చిత్రం రూ.214 కోట్ల గ్రాస్‌ వసూళ్లను రాబట్టింది.
దీంతో భారత్‌, ఓవర్సీస్‌ కలిపి ప్రపంచవ్యాప్తంగా మొత్తం గ్రాస్‌ కలెక్షన్లు రూ.499.20 కోట్లకు చేరుకున్నాయి.
ఈ నేపథ్యంలో అతి తక్కువ సమయంలోనే రూ.500 కోట్ల మైలురాయిని అందుకునేందుకు సినిమా సిద్ధమైంది.