ఎలక్ట్రిక్ కారును కొన్న రవితేజ, నంబర్ కోసం ఎంత ఖర్చు చేసారో తెలుసా?
ఈ వార్తాకథనం ఏంటి
సెలెబ్రిటీలకు సెంటిమెంట్లు ఎక్కువగా ఉంటాయి. ముఖ్యంగా కార్ నంబర్ల విషయంలో ఈ సెంటిమెంట్ ఎక్కువగా కనిపిస్తుంటుంది.
జూనియర్ ఎన్టీఆర్ తన కారు నంబర్ లో నంబర్ 9కోసం డబ్బులు ఖర్చు పెట్టిన సంగతి తెలిసిందే. అలాగే అల్లు అర్జున్ తన కార్ నంబర్ లో 6 ఉండేలా చూసుకుంటాడు.
తాజాగా మెగాస్టార్ చిరంజీవి కూడా ఒకానొక ప్రత్యేక నంబర్ కోసం బాగా ఖర్చు చేసారు.
ఆ లిస్టులో తాజాగా రవితేజ కూడా చేరిపోయినట్లు తెలుస్తోంది. ఇటీవల కొత్త కారును కొన్నాడు రవితేజ. 34.49లక్షల విలువ చేసే BYD ATTo 3 అనే ఎలక్ట్రిక్ కారును రవితేజ సొంతం చేసుకున్నారు.
Details
కార్ నంబర్ కోసం రవితేజ చేసిన ఖర్చు
ఈ ఎలక్ట్రిక్ కారు రిజిస్ట్రేషన్ కోసం ఖైరతాబాద్ రిజిస్ట్రేషన్ ఆఫీసుకు రవితేజ వచ్చారు. రిజిస్ట్రేషన్ ఆఫీసులో సంతకం చేస్తూ ఫోటోకు ఫోజులిచ్చారు. ప్రస్తుతం ఈ ఫోటో, ఇంటర్నెట్ లో వైరల్ అవుతోంది.
2628 అనే నంబరును ఆన్ లైన్ లో జరిగిన వేలంలో 17,628రూపాయలకు రవితేజ దక్కించుకున్నారని సమాచారం.
కార్ విశేషాలు:
సన్ రూఫ్, వైర్ లెస్ మొబైల్ ఛార్జర్, 12.8అంగుళాల సెంట్రల్ స్క్రీన్, పవర్ టైల్ గేట్ వంటి ఫీఛర్లు ఉన్నాయి. అలాగే ఈ కారుకు 5 స్టార్ రేటింగ్ ఉంది.
ఇక రవితేజ సినిమా విషయాలకు వస్తే, తాజాగా రిలీజైన రావణాసుర చిత్రం ప్రేక్షకులను మెప్పించలేకపోయింది.