ఈగిల్ టైటిల్ తో రవితేజ కొత్త సినిమా: సంక్రాంతి బరిలో మాస్ మహారాజ
ఈ వార్తాకథనం ఏంటి
మాస్ మహారాజ రవితేజ సినిమాల స్పీడు పెంచుతున్నాడు. ధమాకా విజయం తర్వాత మంచి జోష్ లో ఉన్న రవితేజ, వెంటనే వాల్తేరు వీరయ్య సినిమాలో కనిపించాడు. ఆ తర్వాత రిలీజైన రావణాసుర నిరాశ పరిచింది.
ప్రస్తుతం రవితేజ చేతిలో రెండు సినిమాలున్నాయి. వంశీకృష్ణ దర్శకత్వంలో రూపొందుతున్న పాన్ ఇండియా చిత్రం టైగర్ నాగేశ్వర్ రావు ఒకటైతే, తాజాగా వచ్చిన ఈగిల్ మరొకటి.
ఈగిల్ చిత్ర టైటిల్ ను ఇంతకుముందే చిత్రబృందం రివీల్ చేసింది. టైటిల్ తో పాటు రిలీజైన గ్లింప్స్ వీడియో ఆసక్తికరంగా ఉంది.
ఈ వీడియోలో ఎక్కడా రవితేజ లుక్ ని రివీల్ చేయలేదు. వీడియో మొదట్లోనే రవితేజ క్యారెక్టర్ ఏంటో రివీల్ చేసారు.
Details
2024సంక్రాంతి బరిలో ఈగిల్
ఒక్క మనిషికి వేరు వేరు అవతారాలున్నాయని , ఆ అవతారాలకు వేరు వేరు కథలున్నాయని రవితేజ పాత్ర ఎలా ఉంటుందో గ్లింప్స్ వీడియోలో తెలియజేసారు.
గ్లింప్స్ వీడియో చూస్తుంటే హై యాక్షన్ థ్రిల్లర్ లా కనిపిస్తోంది. ఈగిల్ సినిమాలో హీరోయిన్ గా అనుపమ పరమేశ్వరన్, కావ్య థాపర్ నటిస్తున్నారు. సీనియర్ హీరోయిన్ మధుబాల, యాక్టర్ నవదీప్, శ్రీనివాస్ అవసరాల ప్రధాన పాత్రల్లో కనిపిస్తున్నారు.
కార్తీక్ ఘట్టమనేని దర్శకత్వం వహిస్తున్న ఈ సినిమాను పీపుల్స్ మీడియా ఫ్యాక్టరీ బ్యానర్ పై టీజీ విశ్వ ప్రసాద్ నిర్మిస్తున్నారు.
డేవ్ జాండ్ మ్యూజిక్ అందిస్తున్న ఈ సినిమాను 2024 సంక్రాంతి కానుకగా రిలీజ్ చేస్తామని గ్లింప్స్ వీడియోలో ప్రకటించారు.