తెలుగులో రవితేజ తమిళంలో కార్తీ: గజదొంగల పాత్రలో ప్రేక్షకుల ముందుకు రాబోతున్న స్టార్ హీరోలు
ఈ వార్తాకథనం ఏంటి
రావణాసుర పరాజయం తర్వాత టైగర్ నాగేశ్వర్ రావు సినిమాతో రవితేజ పాన్ ఇండియా రేంజ్ లో వస్తున్నాడు . కొత్త దర్శకుడు వంశీ తెరకెక్కిస్తున్న ఈ సినిమా నుండి గ్లింప్స్ వీడియో రిలీజైన సంగతి తెలిసిందే.
ఐదు భాషల్లో ఐదు హీరోలు రిలీజ్ చేసిన ఈ వీడియోకు ప్రేక్షకుల నుండి మంచి రెస్పాన్స్ వచ్చింది. స్టూవర్టుపురం గజదొంగ టైగర్ నాగేశ్వర్ రావు జీవిత కథను ఈ సినిమాలో చూపించబోతున్నారు.
టైగర్ నాగేశ్వర్ రావు పాత్రలో రవితేజ కనిపించనున్నాడు. అయితే ఈ సినిమాకు కార్తీ నటిస్తున్న జపాన్ సినిమాకు పోలికలు ఉన్నాయని వినిపిస్తోంది.
జపాన్ సినిమాను కూడా ఒక గజదొంగ జీవితాన్ని ఆధారం చేసుకుని తెరకెకిస్తున్నారని ఇంటర్నెట్లో వార్తలు వస్తున్నాయి.
Details
13కోట్ల దొంగ కథతో జపాన్ సినిమా
తిరువారూర్ మరుగన్ అనే దొంగ చెన్నైలోని లలితా జువెలరీ షాపులో 13కోట్ల విలువైన బంగారు ఆభరణాలను, వజ్రాలను దొంగిలించాడు. దొంగతనం చేసిన తర్వాత పొలీసులకు పట్టుబడ్డ తిరువారూర్, 2020లో ఎయిడ్స్ కారణంగా జైలులోనే మరణించాడు.
తిరువారూర్ మురుగన్ కథన్ వెండితెర మీద జపాన్ అనే పేరుతో రూపొందిస్తున్నారని అంటున్నారు. ఈ విషయమై క్లారిటీ రావాల్సి ఉంది. తన బర్త్ డే సందర్భంగా రిలీజైన జపాన్ గ్లింప్స్ లో కొత్త అవతార్ లో కార్తీ కనిపించాడు.
జపాన్ సినిమాను డ్రీమ్ వారియర్స్ పిక్చర్స్ బ్యానర్ పై ఎస్ఆర్ ప్రభు, ఎస్ఆర్ ప్రకాష్ బాబు నిర్మిస్తున్నారు. దర్శకుడు రాజు మురుగన్ తెరకెక్కిస్తున్న ఈ సినిమాలో అనూ ఇమ్మాన్యుయేల్ హీరోయిన్ గా నటిస్తోంది.