రవితేజ రావణాసుర ప్రమోషన్స్ మొదలు: టీజర్ రిలీజ్ ఎప్పుడంటే
ఈ వార్తాకథనం ఏంటి
వరుస హిట్లతో దూసుకుపోతున్న మాస్ మహారాజ రవితేజ, ఈసారి రావణాసుర చిత్రంతో ప్రేక్షకుల ముందుకు రావడానికి సిద్ధమయ్యాడు. ఏప్రిల్ 7వ తేదీన ఈ చిత్రాన్ని ప్రపంచ వ్యాప్తంగా రిలీజ్ చేయాలని చూస్తున్నారు.
ఈ నేపథ్యంలో ప్రమోషన్లు మొదలెట్టేసారు. తాజాగా రావణాసుర టీజర్ రిలీజ్ డేట్ ని ప్రకటించారు. మార్చ్ 6వ తేదిన ఉదయం 10:08గంటలకు రావణాసుర టీజర్ ని రిలీజ్ చేస్తామని చిత్ర బృందం ప్రకటించింది.
ఈ మేరకు ఒక పోస్టర్ ని రిలీజ్ చేసారు. ఆ పోస్టర్ లో యాక్షన్ లో ఉన్న రవితేజ, ఎవరివైపో తీక్షణంగా చూస్తూ కనిపించారు. రావణాసుర చిత్రం మీద జనాల్లో మంచి అంచనాలు ఉన్నాయి.
రవితేజ
ఇప్పటివరకు రివీల్ చేయని రావణాసుర కథ
ధమాకా తో వందకోట్లు కొల్లగొట్టి తన కెరీర్ లో అత్యధిక వసూళ్ళు సాధించిన రవితేజ, ఆ తర్వాత నెలలోనే వాల్తేరు వీరయ్య సినిమాతో 200కోట్లు కొల్లగొట్టాడు.
రెండు కెరీర్ బెస్ట్ వసూళ్ళు అందుకున్న తర్వాత వస్తున్న మూవీ కాబట్టి రావణాసుర మీద అటు చిత్రబృందానికే కాదు ఇటు అభిమానుల్లోనూ మంచి ఆశలు ఉన్నాయి.
రావణాసుర మూవీ నుండి ఇప్పటివరకు ఒక గ్లింప్స్ రిలీజైంది. ఇందులో సినిమా కథ ఏంటన్నది ఏమీ అర్థం కాలేదు. మరి టీజర్ తోనైనా రావణాసుర కథ అర్థమవుతుందేమో చూడాలి.
సుధీర్ వర్మ దర్శకత్వం వహిస్తున్న ఈ సినిమాను అభిషేక్ పిక్చర్స్, ఆర్ టీ టీమ్ వర్క్స్ కలిసి సంయుక్తంగా నిర్మిస్తున్నాయి. హర్షవర్ధన్ రామేశ్వర్, భీమ్స్ సిసిరోలియో సంగీతం అందిస్తున్నారు.
ట్విట్టర్ పోస్ట్ చేయండి
రవితేజ హీరోగా వస్తున్న రావణాసుర టీజర్ రిలీజ్ డేట్
#Ravanasura Teaser on March 6th at 10:08 AM 😎 pic.twitter.com/y1qRdBH3Lc
— Ravi Teja (@RaviTeja_offl) March 1, 2023