#RC16: రామ్ చరణ్ సినిమాలో కొత్త వారికి అవకాశం.. ఆడిషన్స్ ఎప్పుడు, ఎక్కడంటే!
రామ్ చరణ్- 'ఉప్పెన' ఫేమ్ బుచ్చిబాబు దర్శకత్వంలో #RC16(వర్కింగ్ టైటిల్) మూవీ రానున్న విషయం తెలిసిందే. అయితే #RC16 మూవీకి సంబంధించి మేకర్స్ కీలక ప్రకటన చేశారు. ఈ మూవీలో కొత్త నటీనటులకు అవకాశం ఇవ్వనున్నట్లు మేకర్స్ ప్రకటించారు. ఈ సినిమా త్వరలోనే సెట్స్ పైకి వెళ్లనున్న నేపథ్యంలో కొత్త నటీనటులను ఎంపిక చేసే పనిలో నిమగ్నమయ్యారు. ఇందుకోసం ఆడిషన్స్ను నిర్వహించనున్నారు. రామ్ చరణ్- బుచ్చిబాబు మూవీ ఉత్తరాంధ్ర విలేజ్ నేపథ్యం ఉన్న సినిమా కావడంతో.. ఆ ప్రాంతం నుంచే కొత్త వారిని తీసుకోనున్నారు. ఈ క్రమంలో ఫిబ్రవరి 5 నుంచి 17 వరకు విజయనగరం, సాలూరు, శ్రీకాకుళం, విశాఖపట్నంలో ఆడిషన్స్ నిర్వహించనున్నారు. ఉత్తరాంధ్రకు చెందిన ఔత్సాహికులు మీ అదృష్టాన్ని పరీక్షించుకోండి