#RC16: రామ్ చరణ్- బుచ్చిబాబు సినిమా మ్యూజిక్ డైరెక్టర్‌గా ఏఆర్ రెహమాన్
గేమ్ ఛేంజర్ తర్వాత మెగాపవర్ స్టార్ రామ్ చరణ్(Ram Charan), 'ఉప్పెన' ఫేమ్ బుచ్చిబాబు కాంబినేషన్‌లో ఓ సినిమా తెరకెక్కనుంది. శనివారం మేకర్స్ ఈ సినిమాకు సంబంధించిన కీలక ప్రకటన చేశారు. మూవీకి లెజెండరీ సంగీత దర్శకుడు ఏఆర్ రెహమాన్(AR Rahman) స్వరాలు సమకూర్చనున్నట్లు వెల్లడించారు. ఈరోజు రెహమాన్ పుట్టినరోజు సందర్భంగా మేకర్స్ ఈ విషయాన్ని అధికారికంగా ప్రకటించారు. ఎఆర్ రెహమాన్ భారతదేశంలోని గొప్ప సంగీత దర్శకులలో ఒకరు. ఈ మూవీకి రెహమాన్ కూడా తోడవడంతో సినిమాపై అంచనాలు మరింత పెరిగాయనే చెప్పాలి. భారీ బడ్జెట్‌తో తెరకెక్కనున్న ఈ సినిమాను వృద్ధి సినిమాస్‌, సుకుమార్‌ రైటింగ్స్‌ పతాకాలపై వెంకట సతీష్ నిర్మించనున్నారు. ఈ సినిమాతోనే వెంటక్ సతీష్ చిత్ర నిర్మాణంలోకి అడుగు పెడుతున్నారు.
