అఖిల్ ఏజెంట్ ని పాన్ ఇండియాలో పరిచయం చేయడానికి వస్తున్న ఆర్ఆర్ఆర్ హీరోలు?
ఈ వార్తాకథనం ఏంటి
అక్కినేని అఖిల్ ఏజెంట్ సినిమాతో ప్రేక్షకుల ముందుకు వస్తున్నాడు. సురేందర్ రెడ్డి దర్శకత్వం వహించిన ఈ సినిమా, పాన్ ఇండియా రేంజ్ లో విడుదలవుతోంది. ఏప్రిల్ 28వ తేదీన సినిమాను రిలీఝ్ చేయాలని ప్లాన్ చేస్తున్నారు.
ఈ నేపథ్యంలో మరికొన్ని రోజుల్లో ఏజెంట్ ప్రమోషన్లు మొదలు కానున్నాయని తెలుస్తోంది. పాన్ ఇండియా రేంజ్, అధిక బెడ్జెట్ తో రూపొందిన సినిమా కాబట్టి సినిమా మీద హైప్ తీసుకురావడానికి ఆర్ఆర్ఆర్ హీరోలను తీసుకొస్తున్నారట.
ఏజెంట్ సినిమా నుండి ఇదివరకు రిలీజైన పాటకు ప్రేక్షకుల నుండి పెద్దగా స్పందన రాలేదు. దాంతో సినిమాపై ఆసక్తి పెంచేందుకు ప్రమోషన్ ఈవెంట్ కి రామ్ చరణ్, తారక్ లను ఆహ్వానిస్తున్నారట.
ఏజెంట్
ప్రీ రిలీజ్ ఈవెంట్ కి రానున్న ఆర్ఆర్ఆర్ హీరోలు
ఏజెంట్ చిత్ర షూటింగ్ లో ఇంకో పాట బ్యాలన్స్ ఉందని సమాచారం. అది తొందరగా పూర్తి చేసుకుని పూర్తిస్థాయి ప్రచార కార్యక్రమాలు మొదలు పెట్టనున్నారట.
ఈ నేపథ్యంలో ప్రీ రిలీజ్ ఈవెంట్ కి రామ్ చరణ్, తారక్ లను ఆహ్వానిస్తున్నారని అంటున్నారు. ఈ విషయమై అధికారిక సమాచారం ఇంకా బయటకు రాలేదు కానీ సోషల్ మీడియాలో వార్తలు వస్తూనే ఉన్నాయి.
ఒకవేళ ఇదే నిజమైతే ఏజెంట్ సినిమాకు మంచి మైలేజ్ లభిస్తుంది. అది కూడా పాన్ ఇండియా లెవెల్లో ఏజెంట్ సినిమా మీద ఇంట్రెస్ట్ కలుగుతుంది. మరి ప్రీ రిలీజ్ ఈవెంట్ కి చరణ్, తారక్ లు వస్తారా లేదా అనేది చూడాలి.
ఏజెంట్ సినిమాతో సాక్షి వైద్య తెలుగు తెరకు పరిచయమవుతుంది.