సైంధవ్: వెంకటేష్ కోసం వస్తున్న తమిళ హీరో?
హిట్ ఫస్ట్ కేస్, హిట్ సెకండ్ కేస్ చిత్రాలతో విజయాలు సొంతం చేసుకున్న దర్శకుడు శైలేష్ కొలను, ప్రస్తుతం విక్టరీ వెంకటేష్ హీరోగా సైంధవ్ సినిమాను మొదలుపెట్టాడు. ఈ చిత్ర గ్లింప్స్ ఆల్రెడీ విడుదలై ప్రేక్షకుల నుండి మంచి రెస్పాన్స్ తెచ్చుకుంది. సైంధవ్ సినిమాతో పాన్ ఇండియా రేంజ్ లో వస్తున్నాడు వెంకటేష్. తాజాగా ఈ సినిమా నుండి మరో అప్డేట్ బయటకు వచ్చింది. సైంధవ్ చిత్రంలో వెంకటేష్ తో పాటు మరో ఇద్దరు కీలక పాత్రలు పోషించనున్నారని తెలుస్తోంది. తమిళ హీరో ఆర్య, సైంధవ్ సినిమాలో ప్రత్యేక పాత్రలో కనిపించనున్నారట. ఆ పాత్ర చాలా శక్తివంతంగా ఉండనుందని, సినిమాకే హైలెట్ గా నిలుస్తుందని చెప్పుకుంటున్నారు.
తమిళం నుండి ఆర్య, బాలీవుడ్ నుండి నవాజుద్దీన్ సిద్ధిఖీ
తమిళం నుంచి ఆర్యన్ తీసుకుంటే అటు బాలీవుడ్ నుంచి నవాజుద్దీన్ సిద్ధిఖీని మరో పాత్ర కోసం అప్రోచ్ అయ్యారట. ఆ పాత్ర కూడా సినిమాలో కీలకంగా ఉంటుందని అంటున్నారు. అయితే ఈ విషయమై ఇప్పటివరకు ఎలాంటి అధికారిక సమాచారం బయటకు రాలేదు. కాకపోతే బయటకు వస్తున్న పుకార్లు జనాల్లో ఆసక్తిని పెంచుతున్నాయి. పాన్ ఇండియాలో సినిమాకు మరింత మార్కెట్ తీసుకురావడానికి వివిధ భాషల నుండి నటీనటులను ఎంచుకుంటున్నారని వినిపిస్తోంది. మరి ఈ విషయం మీద చిత్ర నిర్మాతలు, దర్శకుడు అధికారిగా సమాచారం ఎప్పుడు ఇస్తారో చూడాలి. నీహారిక ఎంటర్టైన్మెంట్ బ్యానర్ పై రూపొందుతున్న సైంధవ్ సినిమాను వెంకట్ బోయినపల్లి నిర్మిస్తున్నారు. సంతోష్ నారాయణన్ సంగీతం సమకూరుస్తుండగా హీరోయిన్ ఎవరనేది ఇంకా ప్రకటించలేదు.
