ప్రభాస్ సలార్ సినిమాకు అమెరికాలో అదిరిపోతున్న అడ్వాన్స్ బుకింగ్స్: ఆల్రెడీ లక్ష డాలర్లను దాటేసింది
ఈ వార్తాకథనం ఏంటి
పాన్ ఇండియా స్టార్ ప్రభాస్ నటిస్తున్న సలార్ సినిమా విడుదలకు ముందే రికార్డులు తిరగరాస్తోంది. సలార్ సినిమా అడ్వాన్స్ బుకింగ్స్ ఆల్రెడీ అమెరికాలో మొదలైపోయాయి.
ప్రశాంత్ నీల్ దర్శకత్వంలో వస్తున్న ఈ సినిమా మీద ఎన్నో అంచనాలతో ఉన్న అభిమానులు సలార్ టికెట్ల కోసం ఎగబడుతున్నారు.
ఇప్పటివరకు అమెరికాలో 4వేల టికెట్లకు పైగా అమ్ముడయ్యాయని ట్రేడ్ వర్గాల నుండి సమాచారం వస్తొంది. అలాగే లక్ష డాలర్లకు పైగా వసూళ్ళు నమోదయ్యాయని తెలుస్తోంది.
సినిమా విడుదలకు నెలరోజుల కంటే ఎక్కువ సమయం ఉండగా ఈ రేంజ్ లో దూసుకుపోతున్న సలార్ ని చూస్తుంటే ముందు ముందు రికార్డులు తిరగరాసేలా కనిపిస్తోంది.
Details
సలార్ నుండి మొదటి పాట రిలీజ్ ఎప్పుడంటే?
రిలీజ్‌కు దగ్గరపడుతున్న ప్రస్తుత సమయంలో సలార్ సినిమా ప్రమోషన్ కార్యక్రమాలు మరికొద్ది రోజుల్లో మొదలు కానున్నాయని తెలుస్తోంది. సలార్ సినిమాలోని మొదటి పాటను రిలీజ్ చేయడానికి చిత్రబృందం సిద్ధంగా ఉందని సమాచారం.
మరో విషయం ఏమిటంటే, సలార్ సినిమాలో ప్రభాస్ ద్విపాత్రాభినయంలో కనిపించనున్నారట. అంతేకాదు, ఈ సినిమా క్లైమాక్స్ లో వచ్చే యాక్షన్ ఎపిసోడ్ లో వెయ్యి మందితో ప్రభాస్ ఫైట్ చేస్తాడట. ఆ సన్నివేశం పీక్స్ లో ఉండనుందని అంటున్నారు.
శృతి హాసన్ హీరోయిన్ గా కనిపిస్తున్న సలార్ సినిమాను హాంబలే ఫిలిమ్స్ నిర్మిస్తోంది. తెలుగు, కన్నడ, తమిళం, మళయాలం, హిందీ భాషల్లో సెప్టెంబర్ 28వ తేదీన సలార్ విడుదలవుతుంది.