సామజరగమన టీజర్: ప్రేమించిన వాళ్లచేత రాఖీలు కట్టించుకునే యువకుడి కథ
ఈ వార్తాకథనం ఏంటి
యాక్టర్ శ్రీ విష్ణు హీరోగా వివాహ భోజనంబు సినిమా దర్శకుడు రామ్ అబ్బరాజు తెరకెక్కించిన మూవీ సామజవరగమన. ఈ చిత్ర టీజర్ ఈరోజు విడుదలైంది.
ఒక సినిమా థియేటర్ లో పనిచేసే బాలు(శ్రీ విష్ణు)కు ప్రేమంటే ఇష్టం ఉండదు. దానికి కారణం, డిగ్రీలో ఉండగా ఒకమ్మాయిని డీప్ గా ప్రేమిస్తాడు. కానీ ఆ అమ్మాయి అందరి ముందు రాఖీ కట్తేస్తుంది.
అప్పట్నుండి తనకు ఎవరైనా అమ్మాయి ఐ లవ్ యూ చెబితే, వాళ్ళతో రాఖీ కట్టించుకుంటాడు. అలాంటి పాత్రకు ఎలాంటి ఇబ్బందులు వస్తాయనేది సినిమాలో తెలుస్తుందన్నట్టుగా టీజర్ లో చూపించారు.
టీజర్ లో సినిమా పెద్దగా ఏమీ బయట పెట్టలేదు. మరి సినిమా గురించి తెలియాలంటే ట్రైలర్ వరకు వెయిట్ చేయాల్సిందే.
Details
మే 18వ తేదీన విడుదల
సామజవరగమన టీజర్ లో వెన్నెల కిషోర్ కనిపించారు. ఈ సినిమాలో అతని పాత్ర కీలకంగా ఉండనుందని, హాస్యాన్ని పంచనుందని అర్థమవుతోంది. హీరోయిన్ పాత్రను కూడా పెద్దగా రివీల్ చేయలేదు.
నరేష్, శ్రీకాంత్ అయ్యంగార్, సుదర్శన్, రఘుబాబు, రాజీవ్ కనకాల, దేవీ ప్రసాద్, ప్రియ మొదలగు వారు నటించారు.
హాస్య మూవీస్, ఏకే ఎంటర్ టైన్మెంట్స్ సంయుక్తంగా నిర్మించిన ఈ సినిమాకు రాజేష్ దండ నిర్మాతగా వ్యవహరిస్తున్నారు.
గోపీసుందర్ సంగీతం అందిస్తున్న ఈ సినిమాను, మే 18వ తేదీన ప్రేక్షకుల ముందుకు తీసుకొస్తున్నారు.
రాజ రాజ చోర తర్వాత అల్లూరి, భళా తందనాన సినిమాలతో అపజయం మూటగట్టుకున్న శ్రీ విష్ణు, సామజవరగమన చిత్రంతో విజయం అందుకుంటాడేమో చూడాలి.